ଅନ୍ଧ ଭକ୍ତି : ଗେରୁଆ ରଙ୍ଗ ଲଗାଯାଇଥିବାରୁ ମନ୍ଦିର ବୋଲି ଭାବି ପୂଜା କରୁଥିଲେ ଲୋକେ, ପରେ ସାମ୍ନାକୁ ଆସିଲା ସତ
ହାମିରପୁର(ଉତ୍ତରପ୍ରଦେଶ) : ଭଗବାନଙ୍କ ପାଇଁ ଭକ୍ତି ରହିବା ଭଲ । କିନ୍ତୁ ଭକ୍ତି କରିବାକୁ ଯାଇ ଅନ୍ଧ ହୋଇଯିବା ଆଦୌ ଠିକ୍ ନୁହେଁ । କିଛି ସେଭଳି ଘଟଣା ଉତ୍ତରପ୍ରଦେଶର ହାମିରପୁର ଜିଲ୍ଲାରେ ଘଟିଛି । ଏଠାରେ ଲେକେ ଶୌଚାଳୟକୁ ମନ୍ଦିର ଭାବି ପୂଜା କରିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଶୌଚାଳୟ ବାହାରେ ଗେରୁଆ ରଙ୍ଗ ଲଗାଯାଇଥିବା ଦେଖି ଲୋକେ ମନ୍ଦିର ବୋଲି ଭାବି ନେଇଥିଲେ । ତେବେ ଏଭଳି ଘଟଣା ସାମ୍ନାକୁ ଆସିବା ପରେ ଲୋକେ ଏହାକୁ ମୁର୍ଖାମୀ ଓ ଅନ୍ଧ ଭକ୍ତିର ନାଁ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଗାଁରେ ତିଆରି ହୋଇଥିବା ଶୌଚାଳୟର ଆକାର ଟିକେ ମନ୍ଦିର ଭଳି ଲାଗୁଥିବା ସହ ବାହାରର ରଙ୍ଗ ଗେରୁଆ ଥିଲା । କେବଳ ଏହି ଦୁଇଟି ଜିନିଷ ଦେଖି ଲୋକେ ଏହାକୁ ମନ୍ଦିର ଭାବି ନେଇଥିଲେ । କବାଟ ବନ୍ଦ ଥିବା ବେଳେ ଭିତରେ କିଛି ଭଗବାନଙ୍କ ମୂର୍ତ୍ତି ଅଛି କି ନାହିଁ, ଜାଣିବାକୁ ଚେଷ୍ଟା ନ କରି ଲୋକେ ବାହାରେ ପୂଜାପାଠ କରିବା ଆରମ୍ଭ କରି ଦେଇଥିଲେ । ଲୋକଙ୍କ ଏଭଳି କାମ ଦେଖି ଶୌଚାଳୟ ନିର୍ମାଣ ଦାୟିତ୍ୱରେ ଥିବା ଅଧିକାରୀ ଲୋକଙ୍କ ଭ୍ରମ ଦୂର କରିଥିଲେ । ଯାହା ପରେ ଲୋକେ ତାହା ମନ୍ଦିର ନୁହେଁ ବରଂ ଶୌଚାଳୟ ବୋଲି ଜାଣିବାକୁ ପାଇଥିଲେ । ଲୋକଙ୍କ ମଧ୍ୟରେ ଏଭଳି ଭ୍ରମ ସୃଷ୍ଟି ହେଉଥିବାରୁ ପରେ ଶୌଚାଳୟର ରଙ୍ଗ ଗୋଲାପି କରି ଦିଆଯାଇଥିବା ଜଣାପଡ଼ିଛି ।