ବାଙ୍ଗାଲୋର : କର୍ଣ୍ଣାଟକରେ ନିର୍ବାଚନ ଯେତିକି ପାଖେଇ ଆସୁଛି ପ୍ରଚାର ସେତିକି ଗରମ ହୋଇଉଠୁଛି । ଏହା ସହିତ ନେତାମାନେ ଭୋଟର ମାନଙ୍କୁ ପ୍ରଲୋଭିତ କରିବାକୁ ପ୍ରସ୍ତୁତି ଆରମ୍ଭ କରିଦେଲେଣି । ସେଥିପାଇଁ ନଗଦ ଟଙ୍କା, ସୁନା, ବିିଭିନ୍ନ ଉପହାର ଠାରୁ ଆରମ୍ଭ କରି ମଦ ଓ ଗୁଟଖା ଆଦି ଠୁଳ କରାଯାଉଛି । ଏସବୁ ଉପରେ ନଜର ରଖିବା ପାଇଁ ନିର୍ବାଚନ ଆୟୋଗ ପକ୍ଷରୁ ଗଠନ କରାଯାଇଥିବା ସ୍ୱତନ୍ତ୍ର ଟାକ୍ସ ଫୋର୍ସ ଶନିବାରଦିନ ରାଜ୍ୟର ବିଭିନ୍ନ ସ୍ଥାନରେ ଚଢଉ କରି ପ୍ରାୟ ୧୨୦ କୋଟି ଟଙ୍କାର ନଗଦ ଟଙ୍କା, ସୁନାଗହଣା ଓ ଅନ୍ୟାନ୍ୟ ସାମଗ୍ରୀ ଜବତ କରିଛି । ଏହାମଧ୍ୟରେ ୬୭.୨୭ କୋଟି ଟଙ୍କାର ନଗଦ ଟଙ୍କା, ପ୍ରାୟ ୨୩.୩୬ କୋଟି ଟଙ୍କାର ପ୍ରାୟ ୫ ଲକ୍ଷ ଲିଟର ମଦ ଓ ୪୩.୧୭ କୋଟି ଟଙ୍କାର ସୁନା ଅନ୍ତର୍ଭୁକ୍ତ ।
Sambad is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଜବତ ସାମଗ୍ରୀ ମଧ୍ୟରେ ରହିଛି ଶାଢୀ, ଗୁଟଖା, ପ୍ରେସର କୁକର, ସିଲେଇ ମେସିନ, ଲାପଟପ ଇତ୍ୟାଦି । ମୋଟ ୧୫୭ କୋଟି ଟଙ୍କା ମୂଲ୍ୟର ନଗଦ ଟଙ୍କା ଓ ସାମଗ୍ରୀ ଜବତ ହୋଇଥିଲେ ମଧ୍ୟ ସେଥିରୁ ୩୨ କୋଟି ଟଙ୍କା ଯାଞ୍ଚ ପରେ ଫେରାଇ ଦିଆଯାଇଛି । କର୍ଣ୍ଣାଟକରେ ନିର୍ବାଚନ ତାରିଖ ଘୋଷଣା ହେବା ଦିନଠାରୁ ଏ ପର୍ଯ୍ୟନ୍ତ ମୋଟ ୩୯.୮ ଲକ୍ଷ ଟଙ୍କାର ନିଶାଦ୍ରବ୍ୟ ଓ ଡ୍ରଗସ ଜବତ ହୋଇଛି । ଆୟକର ବିଭାଗ ମଧ୍ୟ ପୂର୍ବରୁ ବାଙ୍ଗାଲୋର ଓ ଅନ୍ୟ କେତେକ ସ୍ଥାନରୁ ନଗଦ ଟଙ୍କା ଜବତ କରିଥିଲା ।