ସାମ୍ବାଦିକ ସମ୍ମିଳନୀରେ ବିଜେପି ପ୍ରବକ୍ତା ତଥା ସାଂସଦ ଜିଭିଏଲ୍ ନରସିଂହା ରାଓଙ୍କ ଉପରକୁ ପିଙ୍ଗାହେଲା ଜୋତା; ଭିଡିଓ ଭାଇରାଲ
ନୂଆଦିଲ୍ଲୀ: ବିଜେପି ପ୍ରବକ୍ତା ତଥା ସାଂସଦ ଜିଭିଏଲ୍ ନରସିଂହା ରାଓ ଆଜି ନୂଆଦିଲ୍ଲୀ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରୁଥିବା ବେଳେ ତାଙ୍କ ଉପରକୁ ଜୋତା ଫିଙ୍ଗା ଘଟଣାକୁ କେନ୍ଦ୍ର କରି ରାଜନୈତିକ ବାତାବରଣ ସରଗରମ ହୋଇ ଉଠିଛି। ଅନ୍ୟପକ୍ଷରେ ଏହି ପୂରା ଘଟଣା ଭିଡିଓରେ କୈଦ ହେବାପରେ ସଂପୃକ୍ତ ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାକୁ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
ହସ୍ତଗତ ହୋଇଥିବା ଘଟଣାର ବିବରଣୀରୁ ଜାଣିବାକୁ ମିଳିଛି ଯେ ବିଜେପି ପ୍ରବକ୍ତା ତଥା ସାଂସଦ ଜିଭିଏଲ୍ ନରସିଂହା ରାଓ ଆଜି ନୂଆଦିଲ୍ଲୀ ସ୍ଥିତ ଦଳର ମୁଖ୍ୟାଳୟ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଭୋପାଳ ଲୋକସଭା ଆସନରୁ ଦଳୀୟ ପ୍ରାର୍ଥୀ ରୂପେ ନିର୍ବାଚନ ଲଢ଼ୁଥିବା ସାଧ୍ୱୀ ପ୍ରଜ୍ଞା ଠାକୁରଙ୍କ ସଂପର୍କରେ ସାମ୍ବାଦିକମାନଙ୍କୁ ସୂଚନା ପ୍ରଦାନ କରୁଥିବା ବେଳେ ସେଠାରେ ଉପସ୍ଥିତ ଥିବା ଜଣେ ବ୍ୟକ୍ତି ତାଙ୍କ ଉପରକୁ ଏକ ହଳ ଜୋତା ଫିଙ୍ଗିଥିଲେ। ଜୋତା ଫିଙ୍ଗିଥିବା ବ୍ୟକ୍ତି ଜଣଙ୍କୁ ଶକ୍ତି ଭାର୍ଗବ ଏବଂ ତାଙ୍କ ଘର ନାଗପୁର ବୋଲି ଚିହ୍ନଟ କରା ଯାଇଥିବା ବେଳେ ସେ କେଉଁ କାରଣ ପାଇଁ ବିଜେପି ପ୍ରବକ୍ତା ତଥା ସାଂସଦ ଜିଭିଏଲ୍ ନରସିଂହା ରାଓଙ୍କୁ ପିନ୍ଧିଥିବା ଜୋତା ଫିଙ୍ଗିଲେ ତାହା ଜଣାପଡ଼ି ନାହିଁ। ତେବେ, ଦିଲ୍ଲୀ ପୁଲିସ୍ ଶକ୍ତି ଭାର୍ଗବଙ୍କୁ ଗିରଫ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
#WATCH Delhi: Shoe hurled at BJP MP GVL Narasimha Rao during a press conference at BJP HQs .More details awaited pic.twitter.com/7WKBWbGL3r
— ANI (@ANI) April 18, 2019
ଏହି ପୂରା ଘଟଣା ଭିଡିଓରେ କୈଦ ହେବାପରେ ସଂପୃକ୍ତ ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାକୁ ଆରମ୍ଭ କରିଥିବା ବେଳେ ଏହି ଘଟଣା ପଛରେ କଂଗ୍ରେସର ହାତ ରହିଥିବା ବିଜେପି ଅଭିଯୋଗ କରିଛି।