ଜମ୍ମୁ-କାଶ୍ମୀର: ଜମ୍ମୁ-କାଶ୍ମୀରରେ ଅପରେସନ୍ ଅଲଆଉଟକୁ ବଡ ସଫଳତା ମିଳିଛି। ବୁରହାନ୍ ବାନୀ ଗ୍ୟାଙ୍ଗର ଟପ୍ କମାଣ୍ଡରଙ୍କ ସମେତ ୫ ଆତଙ୍କବାଦୀ ନିହତ ହୋଇଛନ୍ତି । ସୋପିଆଁରେ ଯବାନଙ୍କ ଏହି ଅପରେସନରେ ହିଜବୁଲର ଟପ୍ କମାଣ୍ଡର ସଦ୍ଦାମ ପାଡରଙ୍କ ସମେତ ୫ ଜଣ ଦୁର୍ଦ୍ଦାନ୍ତ ଆତଙ୍କବାଦୀ ନିହତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ଯବାନମାନେ ବୁରହାନ୍ ବାନୀ ଗ୍ୟାଙ୍ଗକୁ ମୁଳପୋଛ କରିବାରେ ଆଉ ଗୋଟିଏ ପାଦ ଆଗକୁ ବଢ଼ିଛନ୍ତି। ସଦାମ ପାଡର ସମେତ ମହମ୍ମଦ ରଫି ଭଟ୍ଟ, ବିଲାଲ ମୌଲବୀ, ଅଦିଲ ମଲ୍ଲିକକୁ ସେନା ନିହତ କରିଛି । ବର୍ତ୍ତମାନ ଉଭୟ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଛି । ତେବେ ସୁରକ୍ଷାବାହିନୀ ଓ ଆତଙ୍କୀଙ୍କ ଗୁଳିମାଡରେ ଜଣେ ସାଧାରଣ ନାଗରିକଙ୍କ ଜୀବନ ବଳି ପଡିଥିବା ସୂଚନା ରହିଛି । ଏଥିସହ ୨ ସୁରକ୍ଷାବାହିନୀ ଆହତ ହୋଇଛନ୍ତି । ତେବେ ସବୁଠୁ ବଡ କଥା ହେଉଛି ସେନା ହାତରେ ନିହତ ହୋଇଥିବା ମହମ୍ମଦ ରଫି ଭଟ୍ଟ କାଶ୍ମୀର ୟୁନିଭରସିଟିର ପ୍ରଫେସର ଥିଲେ । କୁହାଯାଉଛି କି ଭଟ୍ଟ ଶୁକ୍ରବାର ସନ୍ଧ୍ୟାରୁ ନିଖୋଜ ଥିଲେ। କେବଳ ଏତିକି ନୁହେଁ ଭଟ୍ଟ ୩୬ ଘଣ୍ଟା ପୂର୍ବରୁ ଆତକଙ୍କବାଦୀ ସଙ୍ଗଠନରେ ସାମିଲ ହୋଇଥିଲେ।