ସିନ୍ଧୁନଦୀ ଜଳବଣ୍ଟନ ବିବାଦ : ଆସନ୍ତା ସପ୍ତାହରେ ଭାରତ ଆସିବେ ପାକ ପ୍ରତିନିଧି ମଣ୍ଡଳୀ Latestଦେଶ- ବିଦେଶ By Sambad Digital Last updated Jan 23, 2019 ସେୟାର ନୂଆଦିଲ୍ଲୀ : ବହୁ ବିବାଦ ପରେ ଭାରତ ଶେଷରେ ପାକିସ୍ତାନି ପ୍ରତିନିଧିମଣ୍ଡଳକୁ ଚେନାବ ନଦୀ ଉପରେ ନିର୍ମାଣାଧୀନ ନଦୀବନ୍ଧ ପରିଦର୍ଶନ ପାଇଁ ଅନୁମତି ଦେଇଛି । ଆସନ୍ତା ସପ୍ତାହରେ ପାକିସ୍ତାନର ଏକ ୩ ଜଣିଆ ବିଶେଷଜ୍ଞ ଦଳ ଭାରତ ଆସିବେ । ଗତବର୍ଷ ଅଗଷ୍ଟ ମାସରେ ପାକିସ୍ତାନର ଲାହୋରଠାରେ ସ୍ଥାୟୀ ସିନ୍ଧୁ ନଦୀ ଆୟୋଗର ବସିଥିବା ବୈଠକରେ ଉଭୟ ପକ୍ଷର ପ୍ରତିନିଧିମଣ୍ଡଳକୁ ପରସ୍ପରର ପ୍ରକଳ୍ପ ଅଞ୍ଚଳ ପରିଦର୍ଶନ ପାଇଁ ଅନୁମତି ଦେବାକୁ ନିଷ୍ପତ୍ତି ନିଆଯାଇଥିଲା । ଏହା ସତ୍ତ୍ୱେ ଭାରତ ପାକ ପ୍ରତିନିଧିମଣ୍ଡଳୀକୁ ଚେନାବ ନଦୀ ଉପରେ ନିର୍ମିତ ଡ୍ୟାମ ପରିଦର୍ଶନ ପାଇଁ ଅନୁମତି ଦେଉନାହିଁ ବୋଲି ପାକିସ୍ତାନୀ ଗଣମାଧ୍ୟମରେ ରିପୋର୍ଟ ପ୍ରକାଶିତ ହୋଇଥିଲା । ଏହାକୁ ନେଇ ବିବାଦ ଦେଖାଦେଇଥିଲା । କିନ୍ତୁ ଭାରତ ଏହାକୁ ଅସ୍ୱୀକାର କରଥିଲା । ତେବେ ଜାମ୍ମୁ ଓ କାଶ୍ମୀରର ପଂଚାୟତ ଓ ମ୍ୟୁନିସିପାଲିଟି ନିର୍ବାଚନ ଯୋଗୁଁ ଏହି କାର୍ଯ୍ୟକ୍ରମକୁ ଟିକିଏ ଘୁଞ୍ଚାଇ ଦିଆଯାଇଥିଲା ବୋଲି ଭାରତ ପକ୍ଷରୁ କୁହାଯାଇଛି । Sambad is now on WhatsApp Join and get latest news updates delivered to you via WhatsApp Join Now ସୂଚନାଯୋଗ୍ୟ ଯେ ହିମାଳୟରୁ ବାହାରି ଥିବା ୬ଟି ନଦୀ ଭାରତ ବାଟଦେଇ ପାକିସ୍ତାନକୁ ଯାଉଛନ୍ତି ସେଗୁଡ଼ିକ ହେଲେ ସିନ୍ଧୁ, ରବି, ଚେନାବ,ଝେଲମ, ସତଲେଜ ଓ ବ୍ୟାସ । ୧୯୬୦ର ସିନ୍ଧୁ ନଦୀ ଜଳବଣ୍ଟନ ଚୁକ୍ତି ଅନୁସାରେ ବ୍ୟାସ, ସତଲେଜ ଓ ରବି ଭାରତ ନିୟନ୍ତ୍ରଣରେ ରହିଥିବାବେଳେ ଅନ୍ୟତିନୋଟି ନଦୀ ପାକିସ୍ତାନ ନିୟନ୍ତ୍ରଣରେ ରହିଛି । କିନ୍ତୁ ପାକିସ୍ତାନ ଅଭିଯୋଗ କରିଛି ଯେ ଭାରତ ଏହି ଚୁକ୍ତିକୁ ମାନୁନାହିଁ । ଏହି ଚୁକ୍ତିକୁ ନ ମାନି ଭାରତ ନଦୀବନ୍ଧ ନିର୍ମାଣ କରୁଛି ବୋଲି ପାକ କହିଛି ।