ନୂଆଦିଲ୍ଲୀ: କଂଗ୍ରେସ ଉପସଭାପତି ରାହୁଲ ଗାନ୍ଧି ଓ କେନ୍ଦ୍ରମନ୍ତ୍ରୀ ସ୍ମତି ଇରାନୀଙ୍କ ମଧ୍ୟରେ ଟୁଇଟ ଯୁଦ୍ଧ ତୀବ୍ର ହୋଇଛି। ସ୍ମୃତି ଇରାନୀ ଟୁଇଟ କରି ରାହୁଲଙ୍କୁ କଡା ସମାଲୋଚନା କରିଛନ୍ତି । ଟ୍ୱିଟରେ ସେ ଲେଖିଛନ୍ତି-ଜାମିନରେ ଥିବା ଲୋକ କୋର୍ଟକୁ ବ୍ୟଙ୍ଗ କରୁଛନ୍ତି କିନ୍ତୁ ମନେରଖ ଗୁଜରାଟରେ ବି ହାରିବ କଂଗ୍ରେସ ।
Sambad is now on WhatsApp
Join and get latest news updates delivered to you via WhatsApp
ଅମିତ ଶାହଙ୍କ ପୁଅ ଜୟଶାହଙ୍କୁ ନେଇ ରାହୁଲଙ୍କ ଟୁଇଟଙ୍କ ଜବାବରେ ସ୍ମୃତି ଇରାନୀ ଏହି ଟୁଇଟ କରିଛନ୍ତି। ରାହୁଲ ଟୁଇଟ କରି ମୋଦିଙ୍କୁ ଟାର୍ଗେଟ କରିଥିଲେ । ସେ କହିଥିଲେ ଜୟ ଶାହ ମାମଲାରେ ପ୍ରଧାନମନ୍ତ୍ରୀ ନା କିଛି କହିବେ ନା କହିବାକୁ ଦେବେ । ଗୁଜରାଟରେ ଚଳିତବର୍ଷ ଶେଷସୁଦ୍ଧା ର୍ନିବାଚନ ହେବାର ଅଛି । ରାହୁଲ ଗାନ୍ଧି ମାରାଥନ ପ୍ରଚାର ଚଳାଇ ମୋଦିଙ୍କୁ ଓ ଅମିତ ଶାହଙ୍କୁ ଟାର୍ଗେଟ କରୁଛନ୍ତି । ବିଜେପି ଓ ମୋଦି ମଧ୍ୟ ରାହୁଲଙ୍କୁ ଟାର୍ଗେଟ କରିବାରେ ପଛରେ ପଡିନାହାନ୍ତି ।
ପ୍ରକାଶିତ ଖବର ଅନୁଯାୟୀ, ଆସନ୍ତା ୨୪ ତାରିଖରେ ରାହୁଲ କଂଗ୍ରେସ ସଭାପତି ଭାବେ ଦାୟିତ୍ୱ ନେଇପାରନ୍ତି । ଆଜି ଏ ନେଇ ଦିଲ୍ଲୀରେ କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକ ବସୁଛି । ୧୦ ଜନପଥରେ ହେବାକୁ ଥିବା ବୈଠକରେ ରାହୁଲଙ୍କୁ ସଭାପତି କରିବା ଓ କଂଗ୍ରେସ ୱାର୍କିଙ୍ଗ କମିଟି ବୈଠକ ନେଇ ଏଜେଣ୍ଡା ପ୍ରସ୍ତୁତ କରାଯିବ।
ସୂଚନାଯୋଗ୍ୟ, ୨୪ ତାରିଖରେ ରାହୁଲ କଂଗ୍ରେସ ସଭାପତି ଭାବେ ଦାୟିତ୍ୱ ନେବା ଏକପ୍ରକାର ନିଶ୍ଚିତ । ଆଜିର ବୈଠକରେ ଏହା ଉପରେ ମୋହର ମରାଯିବ । ବିଭିନ୍ନ ରାଜ୍ୟର ପିସିସି ରାହୁଲଙ୍କୁ ସଭାପତି କରାଯିବା ନେଇ ପ୍ରସ୍ତାବ ପାଶ କରିସାରିଛନ୍ତି । ଗତ କିଛି ଦିନ ଧରି ରାହୁଲ ପ୍ରଚାର ଶୈଳୀରେ ପରିବର୍ତନ ଆସିଛି । ଗୁଜରାଟଗସ୍ତ ବେଳେ ପ୍ରଧାନମନ୍ତ୍ରୀଙ୍କୁ ଜୋରଦାର ଆକ୍ରମଣ କରି ଚର୍ଚ୍ଚାରେ ଅଛନ୍ତି ରାହୁଲ। ଆଗାମୀ ହିମାଚଳ ଓ ଗୁଜରାଟ ବିଧାନସଭା ର୍ନିବାଚନ ରାହୁଲଙ୍କ ନେତୃତ୍ୱରେ ଲଢିବା ଲାଗି କଂଗ୍ରେସ ସ୍ଥିର କରିଛି ।