କଂଗ୍ରେସ ମିତ୍ର ଜୟଦୀପ୍ କଓ୍ଵାଡେଙ୍କ ବିବାଦୀୟ ବୟାନ : ସ୍ମୃତି ଇରାନୀ ସ୍ୱାମୀ ବଦଳାଉଥିବାରୁ ତାଙ୍କ ବିନ୍ଦିର ଆକାର ଦିନକୁ ଦିନ ବଢ଼ି ଚାଲିଛି
ନୂଆଦିଲ୍ଲୀ : ବର୍ତ୍ତମାନ ନିର୍ବାଚନକୁ ଆଖି ଆଗରେ ରଖି ଏବେ ଦଳ ମଧ୍ୟରେ ବୟାନବାଜି ଆରମ୍ଭ ହୋଇ ଯାଇଛି । କଂଗ୍ରେସର ମିତ୍ରଦଳ ତଥା ପିପୁଲ୍ସ ରିପବ୍ଲିକାନ୍ ପାର୍ଟି ମୁଖ୍ୟ ଜୟଦୀପ୍ କଓ୍ଵାଡେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଥିବା ବେଳେ ତାଙ୍କର ଅଶାଳୀନ ମନ୍ତବ୍ୟ ପାଇଁ ଲୋକେ ତାଙ୍କୁ ବିରୋଧ ପ୍ରଦର୍ଶନ କରିବା ଆରମ୍ଭ କରି ଦେଇଛନ୍ତି । ଇରାନୀଙ୍କୁ ସମାଲୋଚନା କରି, ସେ ନିଜ ମଥାରେ ଯେଉଁ ବଡ଼ ବିନ୍ଦୀ ପିନ୍ଧୁଛନ୍ତି, ତାହା ତାଙ୍କ ସ୍ୱାମୀଙ୍କ ସଂଖ୍ୟା ଦର୍ଶାଉଛି ବୋଲି ମନ୍ତବ୍ୟ ଦେଇ ଏବେ ବିବାଦରେ ଛନ୍ଦି ହୋଇ ପଡ଼ିଛନ୍ତି ଜୟଦୀପ୍ କଓ୍ଵାଡେ ।
Sambad is now on WhatsApp
Join and get latest news updates delivered to you via WhatsApp
ଇରାନୀଙ୍କୁ ଆକ୍ଷେପ କରି ସେ କହିଥିଲେ, ସେ ଗଡକରୀ ଏବଂ ମୋଦୀଙ୍କ ପଛରେ ବସି ସମ୍ବିଧାନ ବଦଳାଇବାର କଥା କହୁଛନ୍ତି । ମୁଁ ତାଙ୍କ ବିଷୟରେ ଗୋଟେ କଥା କହିବାକୁ ଚାହୁଁଛି । ସେ ନିଜ ମଥାରେ ଏକ ବଡ଼ ଆକାରର ବିନ୍ଦୀ ପିନ୍ଧୁଛନ୍ତି । କେହି ଜଣେ ମୋତେ କହିଥିଲେ, ଯେତେବେଳେ ଜଣେ ମହିଳା ନିଜ ସ୍ୱାମୀକୁ ବାରମ୍ବାର ବଦଳାଇଥାଏ,ସେତେବେଳେ ତା’ ବିନ୍ଦୀର ଆକାର ବଢ଼ିବାକୁ ଲାଗିଥାଏ । ସେଭଳି ଜଣେ ମହିଳା ସମ୍ବିଧାନ ବଦଳାଇବା କଥା କହୁଛନ୍ତି । ସେ ଜାଣି ରଖି ଦରକାର, ସ୍ୱାମୀ ବଦଳାଇବା ଭଳି ସମ୍ବିଧାନ ବଦଳାଇବା ଏତେ ସହଜ ନୁହେଁ ବୋଲି କହିଥିଲେ ଜୟଦୀପ୍ । ତାଙ୍କର ଏଭଳି ଅଶାଳୀନ ବୟାନ ପରେ ବିପକ୍ଷ ଦଳ ଏହାକୁ କଡ଼ା ନିନ୍ଦା କରିଛି ।