ସୋନିଆ ଏବଂ ରାହୁଲଙ୍କ ବିରୁଦ୍ଧରେ ପ୍ରାର୍ଥୀ ଦେବ ସପା-ବସପା ମେଣ୍ଟ !
ଲକ୍ଷ୍ନୌ: ଲୋକସଭା ନିର୍ବାଚନକୁ ନେଇ କଂଗ୍ରେସ ଓ ସମାଜବାଦୀ ପାର୍ଟି ବହୁଜନ ସମାଜପାର୍ଟି ମେଣ୍ଟ ମଧ୍ୟରେ ଟଣାଓଟରା ଅଧିକ ତୀବ୍ର ରୂପେ ନେଇଛି। ସପା-ବସପା ମେଣ୍ଟ ଉତ୍ତର ପ୍ରଦେଶରେ ରାୟ ବରେଲି ଓ ଆମେଠି ନିର୍ବାଚନ ମଣ୍ଡଳୀରେ ଲୋକସଭା ପ୍ରାର୍ଥୀ ଦେଇ ନଥିଲା। କିନ୍ତୁ ଗତକାଲି ସମାଜବାଦୀ ପାର୍ଟି ସୁପ୍ରିମୋ ଅଖିଳେଶ ଯାଦବ ଓ ବହୁଜନ ସମାଜ ପାର୍ଟିର ଅଧ୍ୟକ୍ଷା ମାୟାବତୀଙ୍କ ଭିତରେ ସାକ୍ଷାତ ଆଲୋଚନା ହେବାପରେ କୁହାଯାଉଛି ଯେ ଉକ୍ତ ଦୁଇ ଆସନରେ ମଧ୍ୟ ମେଣ୍ଟ ପ୍ରାର୍ଥୀ ଦେଇପାରେ।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ଆମେଠିରୁ ରାହୁଲ ଗାନ୍ଧୀ ଓ ରାୟ ବରେଲିରୁ ସୋନିଆ ଗାନ୍ଧୀ ନିର୍ବାଚନ ଲଢିବେ। ଏ ଦୁଇଟି ଲୋକସଭା ନିର୍ବାଚନ ମଣ୍ଡଳୀରେ ସପା-ବସପା ମେଣ୍ଟ ପ୍ରାର୍ଥୀ ଦେଲେ ତାହା କଂଗ୍ରେସ ପାଇଁ ଅଡୁଆ ପରିସ୍ଥିତି ସୃଷ୍ଟି ବୋଲି ରାଜନୈତିକ ସମୀକ୍ଷକମାନେ ମତ ଦେଇଛନ୍ତି। ଲୋକସଭା ନିର୍ବାଚନର ଉଭୟ ସପା-ବସପା ପକ୍ଷରୁ ମିଳିତ ଭାବେ ସାଧାରଣ ନିର୍ବାଚନୀ ସଭା କରାଯିବ ବୋଲି ଜଣାଯାଇଛି।