ରବିବାରଠାରୁ ହଂକଂକୁ ବିମାନ ସେବା ବନ୍ଦ କରିବ ସ୍ପାଇସ ଜେଟ୍
ନୂଆଦିଲ୍ଲୀ : ଦିନକୁ ଦିନ କରୋନା ଭାଇରସର ଭୟାବହତା ବଢିଚାଲିଛି । ମୃତ୍ୟୁସଂଖ୍ୟା ୧୫୦୦ ଟପିଲାଣି । ଏହା ଏବେ କେବଳ ଚୀନରେ ସୀମିତ ହୋଇ ରହିନାହିଁ, ଏହା ସାରା ବିଶ୍ୱରେ ବ୍ୟାପିବାକୁ ଲାଗିଛି । ଏହାକୁ ଦୃଷ୍ଟିରେ ରଖି ଭାରତୀୟ ବିମାନ ସେବା କମ୍ପାନିମାନେ କିଛି ଦିନ ତଳେ ଚୀନକୁ ସିଧାସଳଖ ଫ୍ଲାଇଟ ଚଳାଚଳ ବନ୍ଦ କରିଛନ୍ତି । କିନ୍ତୁ ହଂକଂକୁ ବିମାନଚଳାଚଳ ଜାରି ରହିଥିଲା । ଏବେ କରୋନା ଭାଇରସ ହଂକଂକୁ ବ୍ୟାପିବା ପରେ ସେଠାକୁ ମଧ୍ୟ ଫ୍ଲାଇଟ ଚଳାଚଳ ବନ୍ଦ ହେବାକୁ ଯାଉଛି ।
Sambad is now on WhatsApp
Join and get latest news updates delivered to you via WhatsApp
ଘରୋଇ ବିମାନ ସେବା କମ୍ପାନି ସ୍ପାଇସ ଜେଟ ଶୁକ୍ରବାରଦିନ କହିଛି ଯେ ଆସନ୍ତା ୧୬ରୁ ୨୯ ପର୍ଯ୍ୟନ୍ତ ହଂକଂକୁ ଏହାର ଫ୍ଲାଇଟ ଚଳାଚଳ ବନ୍ଦ ରହିବ । ହଂକଂକୁ ପ୍ରତିଦିନ ସ୍ପାଇସ ଜେଟର ଫ୍ଲାଇଟ ଚଳାଚଳ ହୋଇଥାଏ । ତେବେ ଏୟାର ଇଣ୍ଡିଆ ନିଜର ଦିଲ୍ଲୀ-ହଂକଂ ଫ୍ଲାଇଟ ଏବେ ଜାରି ରହିଛି ।
କରୋନା ଭାଇରସ ଯୋଗୁଁ ଗତ ଜାନୁଆରି ଶେଷ ସପ୍ତାହରେ ରାଷ୍ଟ୍ରାୟତ୍ତ ବିମାନସେବା କମ୍ପାନି ଏୟାରଇଣ୍ଡିଆ ଓ ଇଣ୍ଡିଗୋ ଚୀନକୁ ନିଜର ବିମାନ ଚଳାଚଳ ବନ୍ଦ କରିଦେଇଥିଲେ । ଏୟାର ଇଣ୍ଡିଆର ମୁମ୍ବାଇ-ଦିଲ୍ଲୀ-ସାଂଘାଇ ଫ୍ଲାଇଟ ଜାନୁଆରି ୩୧ରୁ ବନ୍ଦ ରହିଛି । ସେହିପରି ଇଣ୍ଡିଗୋର ଦିଲ୍ଲୀ-ଚେଙ୍ଗଡୁ ଓ ବାଙ୍ଗାଲୁରୁ ହଂକଂ ଫ୍ଲାଇଟକୁ ଫେବ୍ରୁଆରି ୧ରୁ ୨୦ ପର୍ଯ୍ୟନ୍ତ ବନ୍ଦ କରାଯାଇଛି ।