ଜମ୍ମୁ ଓ କଶ୍ମୀର ମଧ୍ୟକୁ ପ୍ରବେଶ କରିଛନ୍ତି ୧୨ ଜୈଶ୍‌ ଆତଙ୍କବାଦୀ

0 339

ଶ୍ରୀନଗର: ଏଇ ମାସରେ ପାକିସ୍ତାନ ପଟୁ ପିର୍‌ ପାଞ୍ଚଲ ପର୍ବତ ଦେଇ ପ୍ରାୟ ୧୨ ଜଣ ଜୈଶ୍‌-ଏ-ଅହମ୍ମଦ୍‌ ଆତଙ୍କବାଦୀ ଜମ୍ମୁ ଓ କଶ୍ମୀର ମଧ୍ୟକୁ ପ୍ରବେଶ କରିଛନ୍ତି ବୋଲି ଜଣାପଡ଼ିଛି।

ଜଣେ ଶୀର୍ଷସ୍ତରୀୟ ନିରାପତ୍ତା ଅଧିକାରୀଙ୍କ ଠାରୁ ପ୍ରକାଶ ଯେ ୧୨ ଜଣ ଜୈଶ୍‌-ଏ-ଅହମ୍ମଦ୍‌ ଆତଙ୍କବାଦୀ ଏଜେଣ୍ଟ୍‌ ତିନି ଚାରି ଦଳରେ ବିଭକ୍ତ ହୋଇ ଦକ୍ଷିଣ କଶ୍ମୀରର ତ୍ରାଲ୍‌, ଶୋପିଆନ୍‌ ଏବଂ ପୁଲଓ୍ଵାମା ଅଞ୍ଚଳରେ ସକ୍ରିୟ ହୋଇ ଉଠିଛନ୍ତି।

Panda Mobile only

ମିଳିଥିବା ଖବର ଅନୁସାରେ, ଗତ ଏକ ସପ୍ତାହ ହେବ ଦକ୍ଷିଣ କଶ୍ମୀରରେ ହୋଇ ଥିବା ୧୨ଟି ଆତଙ୍କ ଆକ୍ରମଣରୁ ଅଧିକାଂଶ ଜୈଶ୍‌-ଏ-ଅହମ୍ମଦ ଦ୍ୱାରା ପ୍ରାୟୋଜିତ। ମଙ୍ଗଳବାର ଦିନ ପୁଲ୍‌ଓ୍ଵାମାର କାକପୋରାସ୍ଥିତ ୫୦ ଆର୍‌ଆର୍‌ କ୍ୟାମ୍ପ୍‌ ଉପରେ ହୋଇଥିବା ଆକ୍ରମଣ ଓ ଶୋପିଆନ୍‌ ଅନ୍ତର୍ଗତ ଆର୍ମି କ୍ୟାସ୍‌ପର୍‌ରେ ଆଇଇଡି ବ୍ଲାଷ୍ଟ୍‍ ମଧ୍ୟ ସେମାନଙ୍କ ଦ୍ୱାରା କରାଯାଇଥିଲା।

ଏଥିପାଇଁ ନିରାପତ୍ତା ବଳ ହାଇ ଆଲର୍ଟ ଜାରି କରିଛି। ଆସନ୍ତା ୨-୩ ମଧ୍ୟରେ ସେମାନେ ଶ୍ରୀନଗର ଅଞ୍ଚଳରେ ଫିଦାୟୀନ୍‌ ଏବଂ ହିଟ୍‌ ଆଣ୍ଡ୍‌ ରନ୍‌ ଆକ୍ରମଣ ହୋଇପାରେ। ଜାତୀୟ ରାଜଧାନୀ ଅଞ୍ଚଳ ଦିଲ୍ଲୀ ପାଇଁ ମଧ୍ୟ ହାଇ ଆଲର୍ଟ ଜାରି କରାଯାଇଥିବାରୁ ଫୋର୍ସମାନଙ୍କୁ ସତର୍କ ରହିବାକୁ କୁହାଯାଇଛି।

ସମ୍ବନ୍ଧିତ ଖବର

Leave A Reply

Your email address will not be published.