ନିଜ ସ୍କୁଲ ପ୍ରିନ୍ସିପାଲଙ୍କୁ ଗୁଳି କରି ହତ୍ୟାକଲା ଛାତ୍ର
ଗୁରୁଗ୍ରାମ: ଆମ ସମାଜରେ ଏବେ ସ୍କୁଲ ପିଲାଙ୍କ ମଧ୍ୟରେ ହିଂସାତ୍ମକ ପ୍ରବୃତ୍ତି ବଢିବାରେ ଲାଗିଛି । ସ୍କୁଲରେ ହିଂସାକାଣ୍ଡ ସଂପର୍କରେ ପ୍ରାୟ ପ୍ରତିଦିନ ଖବର ଆସୁଛି । ଗତ ବର୍ଷ ହରିୟାଣାରେ ଏକ ଦ୍ୱାଦଶ ଶ୍ରେଣୀର ପିଲା ଏକ ଛୋଟ ପିଲାକୁ ଅତି ନିର୍ମମ ଭାବେ ହତ୍ୟା କରିଥିବା ଖବର ସାରାଦେଶରେ ହଇଚଇ ସୃଷ୍ଟି କରିଥିଲା । ସେହି ହରିୟାଣାରୁ ଆଉ ଏକ ଦୁଃଖଦ ଖବର ଆସିଛି । ରାଜ୍ୟର ଗୁରୁଗ୍ରାମ ନିକଟବର୍ତ୍ତି ଯମୁନାନଗର ଅଞ୍ଚଳର ଜଣେ ଦ୍ୱାଦଶ ଶ୍ରେଣୀର ପିଲା ନିଜ ସ୍କୁଲର ପ୍ରିନ୍ସିପାଲଙ୍କୁ ଗୁଳିମାରି ହତ୍ୟା କରିଛି । ଅଭିଯୁକ୍ତ ଛାତ୍ରକୁ ପୋଲିସ ଅଟକ ରଖିଛି ।
Sambad is now on WhatsApp
Join and get latest news updates delivered to you via WhatsApp
ପୋଲିସ ସୁତ୍ରରୁ ମିଳିଥିବା ସୂଚନା ଅନୁସାରେ ଆରୋପୀ ଛାତ୍ରକୁ ପ୍ରିନ୍ସିପାଲ ରିତୁ ଛାବରା ଗାଳିଦେଇଥିବାରୁ ତାର ପ୍ରତିଶୋଧ ନେବା ଲାଗି ସେ ଏହି କାଣ୍ଡ ଘଟାଇଥିଲା । ଆଜି ମଧ୍ୟାହ୍ନରେ ସେ ଏକ ପିସ୍ତଲ ସହ ପ୍ରିନ୍ସିପାଲଙ୍କ ଅଫିସରେ ପହଞ୍ଚିଥିଲା ଓ ତାଙ୍କ ଉପରକୁ ଗୁଳି ଚଳାଇଥିଲା । ନିଜ ପିସ୍ତଲରୁ ସେ ପ୍ରାୟ ୪ ରାଉଣ୍ଡ ଗୁଳି ଚାଳନା କରିଥିଲା । ଫଳରେ ଘଟଣାସ୍ଥଳରେ ହିଁ ରିତୁ ଟଳିପଡ଼ିଥିଲେ । ତାଙ୍କୁ ତୁରନ୍ତ ହସପିଟାଲ ନିଆଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ଚଳିତ ମାସରେ ଲକ୍ଷ୍ନୌର ଏକ ଛାତ୍ରୀ ନିଜ ସ୍କୁଲର ଏକ ପ୍ରଥମ ଶ୍ରେଣୀ ପିଲାକୁ ଏଇଥି ପାଇଁ ଆକ୍ରମଣ କରିଥିଲା ଯେ ସ୍କୁଲ ଜଲଦି ଛୁଟି ହୋଇଯିବ ।