ପରୀକ୍ଷାରେ ଫେଲ୍ ହେବା ଡରରେ ଆତ୍ମହତ୍ୟା କଲେ ଛାତ୍ର
ହାଇଦ୍ରାବାଦ୍ : ପରୀକ୍ଷାରେ ଫେଲ୍ ହେବା ଡ଼ରରେ ହାଇଦ୍ରାବାଦ୍ରେ ଥିବା ଓସ୍ମାନିଆ ବିଶ୍ୱବିଦ୍ୟାଳୟର ଜଣେ ଛାତ୍ର ଆତ୍ମହତ୍ୟା କରିଥିବା ଜଣା ପଡ଼ିଛି । ଫିଜିକ୍ସ୍ରେ ଏମ୍ଏସ୍ସି କରୁଥିବା ଛାତ୍ର ଜଣଙ୍କ ନିଜ ହଷ୍ଟେଲ ରୁମ୍ରେ ରଶିି ଲଗାଇ ଆତ୍ମହତ୍ୟା କରିଛନ୍ତି । ଏହି ଘଟଣା ଘଟିବା ପରେ ବିଶ୍ୱବିଦ୍ୟାଳୟରେ ଅସନ୍ତୋଷ ଦେଖା ଦେଇଛି । ଚାକିରି ଦେବା ପାଇଁ ବିଳମ୍ବ କରୁଥିବାରୁ ଟିଆର୍ଏସ୍ ସରକାରଙ୍କ ଉପାରେ ରାଗି ଛାତ୍ର ଜଣଙ୍କ ଆତ୍ମହତ୍ୟା କରିଛନ୍ତି ବୋଲି କହି ବିଶ୍ୱବିଦ୍ୟାଳୟର ଛାତ୍ରଛତ୍ରୀମାନେ ଆନ୍ଦୋଳନ ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପୁଲିସର କହିବା ଅନୂଯାୟୀ, ଛାତ୍ରଙ୍କ ନାମ ଇ.ମୁରଲୀ ବୋଲି ଜଣା ପଡ଼ିଥିବା ବେଳେ ରବିବାର ଦିନ ସଂନ୍ଧ୍ୟା ସମୟରେ ହଷ୍ଟେଲ ଓ୍ଵାସ୍ରୁମ୍ରେ ସେ ଆତ୍ମହତ୍ୟ କରିଥିଲେ । ପରୀକ୍ଷାରେ ଫେଲ ହେବା ଡ଼ରରେ ଛାତ୍ର ଜଣଙ୍କ ଆତ୍ମହତ୍ୟା କରିଛିନ୍ତି ବୋଲି ହଷ୍ଟେଲରୁ ମିଳିଥିବା ଏକ ଚିଠିରୁ ଜଣା ପଡ଼ିଛି ।
“ମୁଁ ମୋ ପଢ଼ାକୁ ଜାରି ରଖିବା ପାଇଁ ସମର୍ଥ ନୁହେଁ । ପରୀକ୍ଷା ପାଖରେ ଥିବା ବେଳେ ମୋତେ ଡର ଲାଗୁଚି କି ମୁଁ ଫେଲ୍ ହୋଇଯିବି । ମୁଁ ଫେଲ୍ ହେବାକୁ ଚାହୁଁ ନାହିଁ । ସେଥିପାଇଁ ମୁଁ ଆତ୍ମହତ୍ୟା କରୁଛି । ମୁଁ ମୋ ମୃତ୍ୟୁରେ ବହୁତ ଖୁସି ଅଛି । ମୋତେ କ୍ଷମା କରିଦେବ ମା’! ଗୁଡ଼୍ ବାଏ” ବୋଲି ଲେଖାଯାଇଛି । ଅନ୍ୟ ପକ୍ଷରେ ଛାତ୍ରଛାତ୍ରୀମନେ ହଷ୍ଟେଲ ଆଗରେ ଆନ୍ଦୋଳନ ଜାରି ରଖିବା ସହ ପୁଲିସକୁ ଶବ ବ୍ୟବଚ୍ଛେଦ କରିବା ପାଇଁ ଅନୁମତି ଦେଉ ନାହାନ୍ତି ବୋଲି ଜଣା ପଡ଼ିଛି ।