ଆଫ୍ରିକୀୟ ଦେଶ ସୁଦାନର ଏକଛତ୍ରବାଦୀ ଶାସକଙ୍କୁ ବିତାଡ଼ିତ କଲା ସେନା

0

କାଇରୋ : ଆଫ୍ରିକୀୟ ଦେଶ ସୁଦାନରେ ଦୀର୍ଘ ୩୦ ବର୍ଷ ଧରି ଶାସନ କରୁଥିବା ଏକଛତ୍ରବାଦୀ ଶାସକ ଓମାର-ଅଲ ବସିରଙ୍କୁ ବିତାଡ଼ିତ କରିଛି ସେଠାକାର ସେନା । ସେ ବିତାଡ଼ିତ ହେବା ପରେ ଲୋକମାନେ ଉତ୍ସବ ମନାଇଛନ୍ତି । ହଜାର ହଜାର ଲୋକ ରାଜଧାନୀ ଖାରତୁନଠାରେ ଏକତ୍ରିତ ହୋଇ ଉତ୍ସବ ପାଳନ କରିଛନ୍ତି ।

୧୯୮୯ରୁ ଶାସନ କରିଆସୁଥିବା ବସିରଙ୍କୁ ବିତାଡ଼ିତ କରିବା ଲାଗି ଗତ କିଛି ମାସ ହେଲା ଦେଶରେ ଲୋକମାନେ ଆନ୍ଦୋଳନ କରିଆସୁଥିଲେ । ବସିରଙ୍କୁ ବିତାଡ଼ିତ କରିବା ପରେ ସେଠାକାର ସେନା ପକ୍ଷରୁ କୁହାଯାଇଛି ଯେ ଦେଶରେ ଆସନ୍ତା ତିନି ମାସ ପାଇଁ ଜରୁରୀ ପରିସ୍ଥିତି ଲାଗୁ କରାଯାଇଛି । ଦେଶରେ ଆସନ୍ତା ୨ ବର୍ଷ ପାଇଁ ଏକ ମଧ୍ୟବର୍ତ୍ତିକାଳୀନ ସରକାର ରହିବ ଓ ତାପରେ ନିର୍ବାଚନ କରାଯିବ । ନିର୍ବାଚନ ପରେ ଗଣତାନ୍ତ୍ରିକ ଉପାୟରେ ନିର୍ବାଚିତ ସରକାରକୁ କ୍ଷମତା ହସ୍ତାନ୍ତର କରାଯିବ । ଏହା ପୂର୍ବରୁ ଆଉ ଏକ ଆଫ୍ରିକୀୟ ଦେଶ ଆଲଜିରିଆର ଶାସକ ଅବ୍ଦୁଲଆଜିଜ ବୁଟେଫ୍ଲିକା ଜନଆନ୍ଦୋଳନ ଯୋଗୁଁ ଗାଦି ଛାଡିଥିଲେ ।

ସମ୍ବନ୍ଧିତ ଖବର

Leave A Reply

Your email address will not be published.