‘ଆତଙ୍କବାଦ ନୁହେଁ, ବେରୋଜଗାରୀ ଚିନ୍ତାର ବିଷୟ’, ରାହୁଲଙ୍କ ଏଭଳି ବୟାନ ଶୁଣି ସୁଷମା କହିଲେ; ଏସ୍ପିଜି ସୁରକ୍ଷା ହଟାଇ ଦିଅ
ନୂଆଦିଲ୍ଲୀ : ପୁଣି ଥରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ କଡ଼ା ଜବାବ ଦେଇଛନ୍ତି ବିଦେଶ ମନ୍ତ୍ରୀ ସୁଷମା ସ୍ୱରାଜ । ମୋଦୀ ସରକାରଙ୍କୁ ସମାଲୋଚନା କରି ଏଥର ଆତଙ୍କବାଦ ଚିନ୍ତାର ବିଷୟ ନୁହେଁ, ବେରୋଜଗାରୀ ଚିନ୍ତାର ବିଷୟ ବୋଲି କହିଥିଲେ ରାହୁଲ ଗାନ୍ଧୀ । ଏହାର ଜବାବ ଦେଇ, ରାଜୀବ ଗାନ୍ଧୀଙ୍କୁ ହତ୍ୟା କରାଯିବା ପରେ ପୂରା ଗାନ୍ଧୀ ପରିବାରୁ ଏସ୍ପିଜି ସୁରକ୍ଷା ଦିଆଯିବା ଆରମ୍ଭ ହୋଇଥିଲା । ଯଦି ଆତଙ୍କବାଦ୍ ଚିନ୍ତାର ବିଷୟ ନୁହେଁ, ତେବେ ନିଜର ଏସ୍ପିଜି ସୁରକ୍ଷା ହଟାଇ ଦିଅ । ରାହୁଲ ଏବଂ ତାଙ୍କ ପରିବାରକୁ ଯଦି କାହାକୁ ଡ଼ର ନାହିଁ, ତେବେ ତାଙ୍କୁ ସୁରକ୍ଷା ଦେଉଥିବା କମାଣ୍ଡୋମାନଙ୍କର କୌଣସି ଆବଶ୍ୟକତା ନାହିଁ । ସେମାନେ ନେଉଥିବା ସବୁ ସୁରକ୍ଷାକୁ ହଟାଇ ଦେବା ଦରକାର ବୋଲି କହିଥିଲେ ସୁଷମା ସ୍ୱରାଜ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏକ ନିର୍ବାଚନ ରାଲିରେ ଯୋଗ ଦେଇ, ଏହି ନିର୍ବାଚନରେ ଆତଙ୍କବାଦ୍ ନୁହେଁ ବରଂ ବେରୋଜଗାରୀ ଚିନ୍ତାର ବିଷୟ ବୋଲି କହିଥିଲେ, ଯାହାର କଡ଼ା ଜବାବ ରଖି ସୁଷମା ନିଜର ପ୍ରତିକ୍ରିୟା ରଖିଛନ୍ତି ।