ଯଦି ମୋ ପୁଅ ନିର୍ବାଚନ ଜିତିବା ପରେ ଦେଇଥିବା ପ୍ରତିଶ୍ରୁତିକୁ ପୂରା ନ କରେ ତେବେ ତା’ର ପୋଷାକ ଫାଡ଼ି ଦେବ: ମୁଖ୍ୟମନ୍ତ୍ରୀ କମଲ ନାଥ
ଛିନ୍ଦଓ୍ଵାରା : ମଧ୍ୟପ୍ରଦେଶର ମୁଖ୍ୟମନ୍ତ୍ରୀ କମଲ ନାଥ ଶନିବାର ଛିନ୍ଦଓ୍ଵାରାରେ ନିର୍ବାଚନୀ ପ୍ରଚାର କରି ନିଜ ପୁଅ ନକୁଲ ନାଥଙ୍କ ପୋଷାକ ଫାଡ଼ି ଦେବା କଥା କହିଥିଲେ । ନକୁଲ ପ୍ରଥମ ଥର ପାଇଁ ଲୋକସଭା ନିର୍ବାଚନ ଲଢ଼ିବାକୁ ଯାଉଥିବା ବେଳେ ତାଙ୍କ ପାଇଁ ପ୍ରଚାର କରୁଛନ୍ତି ମୁଖ୍ୟମନ୍ତ୍ରୀ କମଲ ନାଥ । ପ୍ରଚାର ସମୟରେ ଜନତାଙ୍କ ଭରସା ଜିତିବା ପାଇଁ କମଲ ନାଥ ନିଜ ପୁଅର ପୋଷାକ ଫଡ଼ିଦେବା କଥା କହିଥିଲେ । ୪୦ବର୍ଷ ପର୍ଯ୍ୟନ୍ତ ଛିନ୍ଦଓ୍ଵାରାର ଦାୟିତ୍ୱ ବୁଝି ଆସୁଥିବା କମଲ ନାଥ ଏବେ ସେ ଦାୟିତ୍ୱକୁ ନିଜ ପୁଅକୁ ଦେଇଛନ୍ତି । ତାଙ୍କ ଭଳି ତାଙ୍କ ପୁଅ ମଧ୍ୟ ମଧ୍ୟପ୍ରଦେଶ ପାଇଁ କିଛି କରିବାର ସୁଯୋଗ ପାଉ ସେହି ଆଶାରେ କମଲ ନାଥ ନିଜ ପୁଅ ନକୁଲଙ୍କୁ ନିର୍ବାଚନ ଲଢ଼ାଉଥିବା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଧନୋରା ଗ୍ରାମରେ ନିର୍ବାଚନୀ ରାଲି କରୁଥିବା ସମୟରେ, ମୁଁ ଆଜି ଯେଉଁଠାରେ ଅଛି, ସେ ସବୁ ଆପଣମାନଙ୍କ ଭଲ ପାଇବା ପାଇଁ ଆସି ପହଞ୍ଚିଛି । ନକୁଲ ଆଜି ଏଠାରେ ନାହିଁ । କିନ୍ତୁ ସେ ଆପଣମାନଙ୍କ କଥା ବହୁତ ଭଲ ଭାବରେ ବୁଝିବ । ମୁଁ ତାକୁ ଦାୟିତ୍ୱ ଦେଇଛି । ଯାହାକୁ ସେ ପ୍ରତିପାଦନ କରିବ । ଯଦି ନ କରେ ତା’ର ପୋଷାକ ଫାଡ଼ି ଦେବ ବୋଲି କହିଥିଲେ ମୁଖ୍ୟମନ୍ତ୍ରୀ କମଲ ନାଥ ।