ସମ୍ମାନିତ ହେବାର ଦିନକ ପରେ ୧୭,୦୦୦ଟଙ୍କା ଲାଞ୍ଚ ମାଗିଥିବାରୁ ଗିରଫ ହେଲେ କନେଷ୍ଟବଳ
ନୂଆଦିଲ୍ଲୀ : ଗୋଟେ ସେକେଣ୍ଡ ମଧ୍ୟରେ କାହା ସହ କ’ଣ ଘଟିବ, ତାହା କେହି ପାରିବେ ନାହିଁ । କିଛି ସେଭଳି ଦୃଶ୍ୟ ଦେଖିବାକୁ ମିଳିଛି ମହବୁବ୍ନଗର ଜିଲ୍ଲାରେ । ଏଠାରେ ଟାଉନ୍ ପୁଲିସ ଷ୍ଟେସନରେ ମୁତୟନ ଥିବା ପଲ୍ଲେ ତିରୁପତି ରେଡ୍ଡୀଙ୍କ ସହ ୨୪ଘଣ୍ଟା ଭିତରେ ଯାହା ଘଟିଛି, ତାହା ତାଙ୍କ ଜୀବନର ଗତିପଥକୁ ବଦଳାଇ ଦେଇଛି । ଅଗଷ୍ଟ ୧୫ ତାରିଖ ସ୍ୱାଧୀନତା ଦିବସରେ ତାଙ୍କୁ ଭଲ କନେଷ୍ଟବଳ ହିସାବରେ ସମ୍ମାନିତ କରାଯାଇଥିବା ବେଳେ ଅଗଷ୍ଟ ୧୬ ତାରଖିରେ ପୁଲିସ ତାଙ୍କୁ ଗିରଫ କରିଥିବା ଜଣା ପଡ଼ିଛି । ୧୭,୦୦୦ଟଙ୍କା ଲାଞ୍ଚ ନେଉଥିବାରୁ ତାଙ୍କୁ ପୁଲିସ ଗିରଫ କରିଥିବା ନେଇ ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତବକ, ତିରୁପତି ରମେଶନାମକ ଜଣେ ଯୁବକଙ୍କୁ ମିଛ ମାମଲାରେ ଫସାଇ ଦେବାର ଧମକ ଦେଇ ତାଙ୍କଠାରୁ ଟଙ୍କା ନେଉଥିଲେ । ରମେଶ ନିଜ ଟ୍ରାକ୍ଟରରେ ବାଲି ବୋହିବା କାମ କରୁଥିବା ବେଳେ ତିରୁପତି ଗତ ମାସରେ ତାଙ୍କୁ ଧମକାଇ ୧୭,୦୦୦ଟଙ୍କା ଦେବା ପାଇଁ କହିଥିଲେ । ଏହା ପରେ ରମେଶ ବରିଷ୍ଠ ଅଧିକାରୀଙ୍କୁ ସଂପର୍କ କରି ପୂରା ଘଟଣା ଜଣାଇଥିଲେ । ମାମଲା ଜାଣି ପୁଲିସର ବରିଷ୍ଠ ଅଧିକାରୀ ଜାଲ ବିଛାଇବା ସହ ରମେଶଙ୍କଠାରୁ ଟଙ୍କା ନେବା ସମୟରେ ତିରୁପତିକୁ ଗିରଫ କରିଥିବା ସାମ୍ନାକୁ ଆସିଛି ।