ନୂଆଦିଲ୍ଲୀ : ବିମାନରେ ଯାତ୍ରା କରିବା ସମୟରେ ଯାତ୍ରୀମାନେ ମୋବାଇଲ୍ ଫୋନ୍ ଓ ଇଣ୍ଟରନେଟ୍ର ବ୍ୟବହାର କରି ପାରୁ ନଥିଲେ । ଯାହାଫଳରେ ଅନେକ ସମୟରେ ସେମାନେ ସୂଚନା ଦେବାନେବା କରିବାରେ ବିଫଳ ହେଉଥିଲେ । ତେବେ ଯାତ୍ରୀମାନଙ୍କର ଏହି ଅସୁବିଧାର ସମାଧାନ କରିଛି ଟେଲିକମ କମିଶନ୍ । ଏବେ ବିମାନରେ ଯାତ୍ରୀମାନେ ମୋବାଇଲ କଲ୍ କରିପାରିବା ସହ ଏବଂ ଇଣ୍ଟରନେଟ୍ର ବ୍ୟବହାର ମଧ୍ୟ କରିପାରିବେ ବୋଲି ଟେଲିକମ୍ କମିଶନ ମଞ୍ଜୁରୀ ଦେଇଥିବା ଜଣାପଡ଼ିଛି । ଆସନ୍ତା ୩ରୁ ୪ ମାସ ମଧ୍ୟରେ ଏହା ଲାଗୁ ହେବ ବୋଲି ସୂଚନା ମିଳିଛି। କିନ୍ତୁ ଏହି ସୁବିଧା ଯାତ୍ରୀମାନଙ୍କୁ କିଛି ସର୍ତ୍ତ ସହିତ ମିଳିବ ବୋଲି ମଙ୍ଗଳବାର ହୋଇଥିବା ବୈଠକରେ ସମସ୍ତଙ୍କୁ ଜଣାଇ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ଦୂରସଞ୍ଚାର ସଚିବ ଅରୁଣ ସୁନ୍ଦରାଜନଙ୍କ କହିବା ଅନୁଯାୟୀ, ଇଣ୍ଟରନେଟ୍ ସୁବିଧା ପାଇଁ ଟ୍ରାଇ କରିଥିବା ଆବେଦନକୁ ଟେଲିକମ କମିଶନ ମଞ୍ଜୁରୀ ଦେଇଛି । ଏହା ସହ ଟେଲିକମ ସହ ଜଡ଼ିତ ଥିବା ସମସ୍ୟାର ସମାଧାନ ପାଇଁ ଲୋକପାଲ ତିଆରି କରିବା ପାଇଁ ହୋଇଥିବା ଆବେଦନକୁ ମଧ୍ୟ ମଞ୍ଜୁରୀ ଦେଇଛି ଟେଲିକମ କମିଶନ । ଲୋକପାଲକୁ ଟ୍ରାଇ ଅଧୀନରେ ଗଠନ କରାଯିବା ସହ ଏଥି ପାଇଁ ଟ୍ରାଇ ଅଧିନିୟମରେ ସଂଶୋଧନ କରାଯିବ ବୋଲି ସୂଚନା ଦେଇଛନ୍ତି ଅରୁଣ ସୁନ୍ଦରାଜନ । ତାଙ୍କ କହିବା ଅନୁଯାୟୀ, ଟେଲିକମ ବିଭାଗ ପାଖକୁ ପ୍ରତି ତିନି ମାସରେ ପାଖାପାଖି ଏକ କୋଟି ଅଭିଯୋଗ ଆସୁଛି । ଯାହାର ଠିକ୍ ସମୟରେ ସମଧାନ ହୋଇପାରୁ ନାହିଁ । କିନ୍ତୁ ଲୋକପାଲ ଗଠନ ଦ୍ୱାରା ଏହାର ସମାଧାନ ଠିକ୍ ସମୟରେ ହୋଇ ପାରିବ ।