ନୂଆଦିଲ୍ଲୀ : ଜମ୍ମୁ ଓ କଶ୍ମୀରରେ ଧାରା ୩୭୦ ଉଚ୍ଛେଦ ପରେ ସରକାରଙ୍କ ପକ୍ଷରୁ ଯୋଗାଯୋଗ ବ୍ୟବସ୍ଥାକୁ ବନ୍ଦ କରାଯିବାକୁ ଯୁକ୍ତିଯୁକ୍ତ ବୋଲି ଦର୍ଶାଇଛନ୍ତି ରାଜ୍ୟପାଳ ସତ୍ୟପାଲ ମଲ୍ଲିକ । ସେ କହିଛନ୍ତି ଯେ ଯଦି ଟେଲିଫୋନ ସେବା ବନ୍ଦ ହେବା ଦ୍ୱାରା ଲୋକଙ୍କ ଜୀବନ ରକ୍ଷା ହୋଇପାରୁଛି ତେବେ ସେଥିରେ ଭୁଲ କେଉଁଠି ରହିଲା ?
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଯେତେ ଥର କଶ୍ମୀରରେ କୌଣସି ବଡ଼ ଘଟଣା ଘଟିଛି ତେବେ ହିଂସା ଯୋଗୁଁ ପ୍ରଥମ ସପ୍ତାହରେ ଅତି କମରେ ୫୦ ଲୋକ ମୃତ୍ୟୁବରଣ କରିଛନ୍ତି । ଏଥର କିନ୍ତୁ ଧାରା ୩୭୦ ଉଚ୍ଛେଦ ପରେ କୌଣସି ଜୀବନହାନୀ ହୋଇନାହିଁ । ସେ କହିଛନ୍ତି ଯେ ଖୁବଶୀଘ୍ର ଘାଟିରେ ଟେଲିଫୋନ ସେବା ସ୍ୱାଭାବିକ ହେବ । ସେ ଆହୁରି ମଧ୍ୟ କହିଛନ୍ତି ଯେ କଶ୍ମୀରରେ ଅତ୍ୟାବଶ୍ୟକ ସାମଗ୍ରୀ ଓ ଔଷଧ ଅଭାବ ଦେଖାଯିବା କଥା ମିଛ । ରାଜ୍ୟରେ ଯଥେଷ୍ଟ ପରିମାଣରେ ଔଷଧ ଗଚ୍ଛିତ ରହିଛି । ଇଦ ସମୟରେ କଶ୍ମୀରର ବିଭିନ୍ନ ପରିବାରକୁ ଖାଦ୍ୟସାମଗ୍ରୀ ପ୍ରଦାନ କରାଯାଇଥିଲା । ଶ୍ରୀ ମଲ୍ଲିକ ଆଜି ନୂଆଦିଲ୍ଲୀ ଆସି ପୂର୍ବତନ କେନ୍ଦ୍ରମନ୍ତ୍ରୀ ଅରୁଣ ଜେଟଲୀଙ୍କୁ ଶ୍ରଦ୍ଧାଞ୍ଜଳୀ ଦେଇଛନ୍ତି ।