ଏକ ସ୍ୱଚ୍ଛ ହାଓ୍ଵା ଅଭିଯାନ ଆରମ୍ଭ ହେଉ : ସରକାରଙ୍କୁ ତୃଣମୂଳ-କଂଗ୍ରେସର କଟାକ୍ଷ
ନୂଆଦିଲ୍ଲୀ : ଦିଲ୍ଲୀ ଓ ଦେଶର ଅନ୍ୟ ସ୍ଥାନରେ ବଢିଚାଲିଥିବା ବାୟୁପ୍ରଦୂଷଣ ପ୍ରସଙ୍ଗରେ ଆଜି ସଂସଦରେ ଗରମାଗରମ ଆଲୋଚନା ହୋଇଛି । ଏହି ପ୍ରସଙ୍ଗରେ ଆଜି କଂଗ୍ରେସ ଓ ଅନ୍ୟ ବିରୋଧୀ ଦଳମାନେ ସରକାରଙ୍କୁ ଘେରିଥିଲେ ।
Sambad is now on WhatsApp
Join and get latest news updates delivered to you via WhatsApp
ତୃଣମୂଳ କଂଗ୍ରେସ ପକ୍ଷରୁ ଏହି ଆଲୋଚନାରେ ଭାଗ ନିଆଯାଇ କୁହାଯାଇଛି ଯେ ସରକାର ଏକ ସ୍ୱଚ୍ଛ ହାଓ୍ଵା (ପବନ) ଅଭିଯାନ ଆରମ୍ଭ କରିବାର ଆବଶ୍ୟକତା ରହିଛି । ଅନ୍ୟପକ୍ଷରେ କଂଗ୍ରେସ ସାଂସଦ ମନୀଷ ତିଓ୍ଵାରୀ କହିଥିଲେ ଯେ ପ୍ରଦିବର୍ଷ ଦିଲ୍ଲୀରେ ପ୍ରଦୂଷଣ ସମସ୍ୟା ସୃଷ୍ଟି ହେଉଥିଲେ ମଧ୍ୟ ସରକାର କୌଣସି ପଦକ୍ଷେପ ଉଠାଉନାହାନ୍ତି । କାହିଁକି ଲୋକମାନଙ୍କୁ କୋର୍ଟଙ୍କ ଦ୍ୱାରସ୍ଥ ହେବାକୁ ପଡୁଛି ? ଏହି ଗୃହ ପକ୍ଷରୁ ଆଜି ଲୋକମାନଙ୍କୁ ଆଶ୍ୱସ୍ତ କରାଯାଉ ଯେ ଏହି ଗୃହର ସଦସ୍ୟମାନେ ପ୍ରଦୂଷଣ ନେଇ ଲୋକମାନଙ୍କ ଚିନ୍ତା ସହ ଅବଗତ । ସେ କହିଛନ୍ତି ଯେ କେବଳ ଆମ ଦେଶର ବାୟୁ ନୁହେଁ, ନଦୀଗୁଡ଼ିକ ମଧ୍ୟ ଦୂଷିତ ହୋଇଯାଇଛି । ଯଦି ଚୀନ ନିଜର ପରିବେଶକୁ ସ୍ୱଚ୍ଛ କରିବାକୁ ସଫଳ ହେଉଛି ଆମେ କାହିଁକି ନୁହେଁ । କେନ୍ଦ୍ର ପରିବେଶମନ୍ତ୍ରୀ ପ୍ରକାଶ ଜାବଡେକର ଏହି ପ୍ରସଙ୍ଗରେ ବକ୍ତବ୍ୟ ଦେବାର ସମ୍ଭାବନା ରହିଛି ।