କୋଚି: କେରଳର ପ୍ରସିଦ୍ଧ ତୀର୍ଥକ୍ଷେତ୍ର ସାବରିମାଲା ଦର୍ଶନ କରିବାକୁ ଯାଉଥିବା ଏକ ତୀର୍ଥଯାତ୍ରୀ ଦଳଙ୍କ ଉପରେ ବଣୁଆ ହାତୀ ଆକ୍ରମଣ କରିବାରୁୁ ଜଣେ ତୀର୍ଥଯାତ୍ରୀ ନିହତ ହୋଇଛନ୍ତି । ୩୫ ବର୍ଷୀୟ ଏହି ତୀର୍ଥଯାତ୍ରୀଙ୍କ ନାଁ ପରମ ଶିବମ । ସେ ପେରିୟାର ବାଘ୍ର ସଂରକ୍ଷିତ ଜଙ୍ଗଲ ମଧ୍ୟ ଦେଇ ସାବରିମାଲା ପର୍ବତକୁ ଯାଉଥିବାବେଳେ ଏହି ଘଟଣା ଘଟିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ତାମିଲନାଡୁରୁ ଆସିଥିବା ପ୍ରାୟ ୧୦ରୁ ୧୫ ଜଣ ତୀର୍ଥଯାତ୍ରୀଙ୍କ ଏକ ଦଳ ପେରିୟାର ବାଘ୍ର ସଂରକ୍ଷିତ ଜଙ୍ଗଲ ମଧ୍ୟ ଦେଇ ସାବରିମାଲା ପର୍ବତକୁ ଯାଉଥିଲେ । ଏହି ଦଳରେ ଶିବମ ଓ ତାଙ୍କ ଭାଣଜୀ ମଧ୍ୟ ଥିଲେ । ବଣୁଆ ହାତୀମାନେ ତାଙ୍କ ଭାଣଜୀଙ୍କୁ ଆକ୍ରମଣ କରିବାରୁ ତାକୁ ବଞ୍ଚାଇବାକୁ ଯାଇ ଶିବମ ହାତୀ ସମ୍ମୁଖକୁ ଚାଲିଯାଇଥିଲେ । ଏହାଫଳରେ ହାତୀ ତାଙ୍କୁ ଆକ୍ରମଣ କରିଥିଲା । ଏହି ଆକ୍ରମଣରେ ଗୁରୁତର ଆହତ ହୋଇଥିବା ଶିବମଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମଙ୍ଗଳବାର ରାତି ୧୧ଟାରେ ଏହି ଘଟଣା ଘଟିଥିଲା ।