ଶ୍ରୀନଗର: କଶ୍ମୀରୀ ସାମ୍ବାଦିକ ଶୁଜାତ ବୁଖାରିଙ୍କ ହତ୍ୟାକାଣ୍ଡରେ ସମ୍ପୃକ୍ତ ଶୀର୍ଷସ୍ତରୀୟ ଲସ୍କର୍-ଏ-ତୈବା ଆତଙ୍କବାଦୀ ମହମ୍ମଦ ନବୀଦ୍ ଜାଟ୍ଙ୍କର ବୁଧବାର ଦିନ ନିରାପତ୍ତା ବଳ ଏବଂ ସ୍ଥାନୀୟ ପୁଲିସଙ୍କ ମିଳିତ ଅଭିଯାନ ସମୟରେ ଏନ୍କାଉଣ୍ଟର୍ ଯୋଗୁଁ ମୃତ୍ୟୁ ଘଟିଛି।
Sambad is now on WhatsApp
Join and get latest news updates delivered to you via WhatsApp
କିନ୍ତୁ, କର୍ତ୍ତୃପକ୍ଷମାନେ ଏ ସଂକ୍ରାନ୍ତରେ ଏ ଯାଏଁ ଘୋଷଣା କରି ନାହାନ୍ତି।
ଜମ୍ମୁ ଓ କଶ୍ମୀର ଅନ୍ତର୍ଗତ ବଡ଼ଗାମ୍ ଜିଲ୍ଲାର ଚାଥେରଗାମ୍ ଗାଁ’ରେ ବୁଧବାର ପ୍ରତ୍ୟୁଷରୁ ଆତଙ୍କବାଦୀ ଏବଂ ନିରାପତ୍ତା ବଳଙ୍କ ମଧ୍ୟରେ ଗୁଳି ବିନିମୟ ଚାଲୁ ରହିଛି। ସର୍ବଶେଷ ଖବର ଅନୁସାରେ, ଆବାସିକ ଅଞ୍ଚଳରେ ତଥାପି କିଛି ଆତଙ୍କବାଦୀ ଛପି ରହିଛନ୍ତି। କମ୍ବିଙ୍ଗ୍ ଅପରେସନ୍ ଚାଲିଛି।
ଏ ବର୍ଷ ପ୍ରାରମ୍ଭରେ ପୁଲିସ ହାଜତରୁ ଖସି ପଳାଇଥିବା ଜାଟ୍ଙ୍କ ବିରୋଧରେ କଶ୍ମୀରରେ ନିରାପତ୍ତା ବଳ ଏବଂ ସାଧାରଣ ନାଗରିକଙ୍କ ଉପରେ ଆକ୍ରମଣ କରିଥିବାର ମାମଲା ରହିଥିଲା। ଏ ବର୍ଷ ଅଗଷ୍ଟ ମାସରେ ଶୋପିଆନ୍ ଠାରେ ଜଣେ ଆତଙ୍କବାଦୀଙ୍କ ଅନ୍ତ୍ୟେଷ୍ଟି କ୍ରିୟାରେ ସେ ଯୋଗ ଦେଇଥିବା ଲୋକେ ଦେଖିଥିଲେ।
ପାକିସ୍ତାନର ମୁଲ୍ତାନ୍ବାସୀ ଜାଟ୍କୁ ୨୦୧୪ ମସିହା ଜୁନ୍ରେ କୁଲ୍ଗାମ୍ର ୟାରିପୋରା ଠାରେ ଗିରଫ କରାଯାଇଥିଲା। ଫେବ୍ରୁଆରି ୬ ତାରିଖ ଦିନ ସେ ଶ୍ରୀନଗରସ୍ଥିତ ଶ୍ରୀ ମହାରାଜା ହରିସିଂହ ହସ୍ପିଟାଲ୍ରୁ ନାଟକୀୟ ଭାବେ ଖସି ପଳାଇଥିଲା।