ଗୋଟେ ମିନିଟ୍ରେ ୪୨୬ଟି ଟ୍ରେନ୍ ଟିକେଟ୍ ବୁକ୍ କରିଥିବାରୁ ଏଜେଣ୍ଟଙ୍କ ବିରୋଧରେ ମାମଲା ରୁଜୁ
ନୂଆଦିଲ୍ଲୀ : ଗୋଟେ ମିନିଟ୍ରେ ୪୨୬ଟି ଟ୍ରେନ୍ ଟିକେଟ ବୁକ୍ ହେବାର ମାମଲା ସାମ୍ନାକୁ ଆସିଛି । ଅହମଦାବାଦ୍ର ଏକ ବୁକିଂ ଏଜେଣ୍ଟ ଗୋଟେ ମିନିଟ୍ରୁ କମ ସମୟ ମଧ୍ୟରେ ୪୨୬ଟି ଟ୍ରେନ୍ ଟିକେଟ୍ ବୁକ୍ କରିଥିବା ନେଇ ଦାବି କରିଛି ଆଇଆର୍ସିଟିସି । ଏଭଳି ଦାବି କରାଯିବା ପରେ ଆର୍ପିଏଫ୍ ଅଫିସର ଏଜେଣ୍ଟ ବିରୋଧରେ ଏତଲା ରୁଜୁ କରି ଯାଞ୍ଚ ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତେବେ ଏଠି ପ୍ରଶ୍ନ ଉଠୁଛି, ଯଦି ଜଣେ ଏଜେଣ୍ଟ ଏତେ କମ ସମୟ ମଧ୍ୟରେ ୪୨୬ଟି ସୁନିଶ୍ଚିତ ଟିକେଟ୍ ବୁକ୍ କରି ପାରୁଛି, ତେବେ ଅନ୍ୟ ଲୋକଙ୍କୁ ଟିକେଟ୍ ମିଳିବା ଅସମ୍ଭବ ହୋଇ ପଡ଼ିବ । ସାଧାରଣତଃ ଭାବେ ଗୋଟେ ସୁନିଶ୍ଚିତ ଟିକେଟ୍ ବୁକ୍ କରିବା ପାଇଁ ୯୦ସେକେଣ୍ଡର ସମୟ ଲାଗିଥାଏ । ଏଭଳି ପରିସ୍ଥିତିରେ ଜଣେ ଏଜେଣ୍ଟ କେଉଁ ଉପାୟରେ ଏତେ ସଂଖ୍ୟକ ସୁନିଶ୍ଚିତ ଟିକେଟ୍ ବୁକ୍ କଲେ, ସେ ପ୍ରଶ୍ନ ଏବେ ସମସ୍ତଙ୍କ ମନରେ । ବିନା କୌଣସି ରେଳ କର୍ମଚାରୀଙ୍କ ସହାୟତାରେ ଏହା ସମ୍ଭବ ନୁହେଁ ବୋଲି କୁହାଯାଉଥିବା ବେଳେ ଖୋଳତାଡ଼ ଆରମ୍ଭ କରିଛି ପୁଲିସ ।