ଦକ୍ଷିଣ ଚୀନ ଉପକୂଳରେ ମାଡ ହେଲା ମହାବାତ୍ୟା ମାଂଖୁଟ, ପ୍ରଶାସନ ପକ୍ଷରୁ ଅତି ଗୁରୁତର ବିପଦ ସଂକେତ ଜାରି
ହଂକଂ : ଫିଲିପାଇନ୍ସରେ ଶତାଧିକ ଲୋକଙ୍କୁ ମାରିବା ପରେ ସୁପରଟାଇଫୁନ ମାଂଖୁଟ ଚୀନରେ ମାଡ ହୋଇଛି । ଏହାର ପ୍ରଭାବରେ ଦକ୍ଷିଣ ଚୀନର ଜନବହୁଳ ଗ୍ଵାଙ୍ଗଡଙ୍ଗ ରାଜ୍ୟରେ ପ୍ରବଳ ବେଗରେ ପବନ ବୋହିବା ସହ ଅନେକ କ୍ଷୟକ୍ଷତି ହୋଇଛି । ତେବେ ଏହି ବାତ୍ୟା ଆସିବା ଆଗରୁ ପ୍ରଶାସନ ପ୍ରାୟ ୨୪ ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
Typhoon #Mangkhut is hitting #Shenzhen, a thread of some of the videos from WeChat groups. Feeling very lucky to be in Shanghai at the moment. pic.twitter.com/QRW18Duqxk
— Matthew Brennan (@mbrennanchina) September 16, 2018
ଶହ ଶହ ଫ୍ଲାଇଟ ବାତିଲ କରାଯାଇଥିବାବେଳେ ପ୍ରାୟ ୫୦ ହଜାର ମାଛମରା ବୋଟକୁ କୂଳକୁ ଫେରାଇ ଅଣାଯାଇଛି । ଏହି ବାତ୍ୟାକୁ ଦୃଷ୍ଟିରେ ରଖି ଚୀନର ପାଣିପାଗ ବିଭାଗ ପକ୍ଷରୁ ଅତି ଗୁରୁତର ବିପଦ ସଂକେତ ଦିଆଯାଇଛି । ଚୀନର ବିଶ୍ୱପ୍ରସିଦ୍ଧ କ୍ୟାସିନୋ ସିଟି ମାକାଉରେ ପ୍ରଥମ ଥର ପାଇଁ କ୍ୟାସିନୋଗୁଡ଼ିକୁ ବନ୍ଦ କରିଦିଆଯାଇଛି । ବିଗତ କିଛି ଦଶନ୍ଧି ମଧ୍ୟରେ ଏହାକୁ ସବୁଠାରୁ ଶକ୍ତିଶାଳୀ ସାମୁଦ୍ରିକ ବାତ୍ୟା ବୋଲି କୁହାଯାଉଛି । ଏହି ବାତ୍ୟା ବା ଟାଇଫୁନ ଚୀନର ଗ୍ଵାଙ୍ଗଡଙ୍ଗ ରାଜ୍ୟର ତାଇସାନରେ ଆଜି ସ୍ଥାନୀୟ ସମୟ ସଂଧ୍ୟା ୫ଟାରେ ସ୍ଥଳଭାଗକୁ ଛୁଇଁଥିଲା ।