ଦେଶରେ ଚାଲିଛି ୨୩ ଜାଲି ବିଶ୍ୱବିଦ୍ୟାଳୟ, ଏଥିମଧ୍ୟରୁ ଓଡ଼ିଶାରେ ଅଛି ୨ ଜାଲି ବିଶ୍ୱବିଦ୍ୟାଳୟ ତାଲିକା ଜାରି କଲା ୟୁଜିସି

ନୂଆଦିଲ୍ଲୀ: ସମଗ୍ର ଦେଶରେ ସରକାରଙ୍କୁ ଭୂଆଁ ବୁଲାଇ ୨୩ଟି ‘ଆତ୍ମଘୋଷିତ’ ଓ ‘ଅଣସ୍ୱୀକୃତ’ ବିଶ୍ୱବିଦ୍ୟାଳୟ ସେମାନଙ୍କର ବ୍ୟବସାୟ ଚଲାଇଥିବା ଆଜି ୟୁନିଭର୍ସିଟି ଗ୍ରାଣ୍ଟ କମିଶନ (ୟୁଜିସି) ପକ୍ଷରୁ ପ୍ରକାଶିତ ଏକ ବିଜ୍ଞପ୍ତିରେ କୁହାଯାଇଛି। ଏଥିସହ ଏହି ସମସ୍ତ ‘ଆତ୍ମଘୋଷିତ’ ଓ ‘ଅଣସ୍ୱୀକୃତ’ ବିଶ୍ୱବିଦ୍ୟାଳୟଗୁଡ଼ିକର ତାଲିକା ମଧ୍ୟ ପ୍ରକାଶ କରିଛି ୟୁଜିସି। ଏଥିରେ ଓଡ଼ିଶାର ୨ଟି ବିଶ୍ୱବିଦ୍ୟାଳୟ ରହିଥିବା ବେଳେ ଉତ୍ତରପ୍ରଦେଶରେ ୮ଟି, ଦିଲ୍ଲୀରେ ୭ଟି, କେରଳ, କର୍ଣ୍ଣାଟକ, ମହାରାଷ୍ଟ୍ର, ଓ ପୁଡ଼ୁଚେରିରେ ଗୋଟିଏ କରି ଜାଲି ବିଶ୍ୱବିଦ୍ୟାଳୟ ରହିଥିବା ଜାଣିବାକୁ ମିଳିଛି। ଏଥିସହ ଏହି ସମସ୍ତ ଜାଲି ବିଶ୍ୱବିଦ୍ୟାଳୟ ଗୁଡ଼ିକରେ ନାମ ନ ଲେଖାଇବା ପାଇଁ ଛାତ୍ରଛାତ୍ରୀମାନଙ୍କୁ ସାବଧାନ କରି ଦେଇଛି ୟୁଜିସି।


ଓଡ଼ିଶା ଓ ପଶ୍ଚିମବଙ୍ଗଳାରେ ରହିଥିବା ୨ଟି କରି ଜାଲି ବିଶ୍ୱବିଦ୍ୟାଳୟର ନାମ ହେଉଛି ଇଣ୍ଡିଆନ୍‌ ଇନଷ୍ଟିଚ୍ୟୁଟ ଅଫ୍‌ ଅଲଟରନେଟିଭ୍‌ ମେଡ଼ିସିନ୍‌ ଆଣ୍ଡ ରିସର୍ଚ୍ଚ, ନବଭାରତ ଶିକ୍ଷା ପରିଷଦ ଏବଂ ନର୍ଥ ଓଡ଼ିଶା ୟୁନିଭର୍ସିଟି ଅଫ୍‌ ଏଗ୍ରିକଲଚର ଆଣ୍ଡ ଟେକ୍ନୋଲୋଜି।

ସମ୍ବନ୍ଧିତ ଖବର

Comments are closed.