ସିନ୍ଧୁନଦୀ ବିବାଦ : ଭାରତର ବଡ଼ ବିଜୟ, ବିଶ୍ୱବ୍ୟାଙ୍କରୁ ନିଜର ଅଭିଯୋଗ ଫେରାଇ ନେବ ପାକିସ୍ତାନ
ନୂଆଦିଲ୍ଲୀ : ସିନ୍ଧୁନଦୀ ଜଳବଣ୍ଟନକୁ ନେଇ ଭାରତ ବିରୋଧରେ ବିଶ୍ୱ ବ୍ୟାଙ୍କରେ ଅଭିଯୋଗ କରିଥିବା ପାକିସ୍ତାନକୁ ବିଫଳତାର ସାମନା କରିବାକୁ ପଡିଛି । ଏହି ଜଳବିବାଦକୁ ବିଶ୍ୱ ବ୍ୟାଙ୍କର କୋର୍ଟ ଅଫ ଆର୍ବିଟ୍ରେସନ ରେ ବିଚାର ପାଇଁ ପଠାଇବାକୁ ପାକିସ୍ତାନ ଦାବି କରୁଥିବାବେଳେ ବିଶ୍ୱ ବ୍ୟାଙ୍କ ତାହାକୁ ମାନିନାହିଁ । ବରଂ ଏହି ମାମଲାକୁ ଏକ ନିରପେକ୍ଷ ଆଇନ ବିଶେଷଜ୍ଞଙ୍କ ଦ୍ୱାରା ଫଇସଲା କରିବାକୁ ବିଶ୍ୱ ବ୍ୟାଙ୍କ ପରାମର୍ଶ ଦେଇଛି । କିନ୍ତୁ ଗତ ଥର ୨୦୧୧ରେ ବାଗଲିଆର ଡ୍ୟାମ ବିବାଦକୁ ନେଇ ପାକିସ୍ତାନ ଜଣେ ନିରପେକ୍ଷ ଆଇନ ବିଶେଷଜ୍ଞଙ୍କ ପାଖକୁ ଯାଇଥିଲା, କିନ୍ତୁ ରାୟ ଭାରତ ସପକ୍ଷରେ ଆସିଥିଲା । ଏହା ଫଳରେ ପାକିସ୍ତାନ ବିଫଳ ମନୋରଥରେ ବିଶ୍ୱବ୍ୟାଙ୍କରୁ ଫେରିବାରୁ ନିଷ୍ପତ୍ତି ନେଇଛି ବୋଲି ପାକିସ୍ତାନି ଗଣମାଧ୍ୟମ ଦ ନ୍ୟୁଜ କହିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ହିମାଳୟରୁ ବାହାରି ଥିବା ୬ଟି ନଦୀ ଭାରତ ବାଟଦେଇ ପାକିସ୍ତାନକୁ ଯାଉଛନ୍ତି ସେଗୁଡ଼ିକ ହେଲେ ସିନ୍ଧୁ, ରବି, ଚେନାବ,ଝେଲମ, ସତଲେଜ ଓ ବ୍ୟାସ । ୧୯୬୦ର ସିନ୍ଧୁ ନଦୀ ଜଳବଣ୍ଟନ ଚୁକ୍ତି ଅନୁସାରେ ବ୍ୟାସ, ସତଲେଜ ଓ ରବି ଭାରତ ନିୟନ୍ତ୍ରଣରେ ରହିଥିବାବେଳେ ଅନ୍ୟତିନୋଟି ନଦୀ ପାକିସ୍ତାନ ନିୟନ୍ତ୍ରଣରେ ରହିଛି । କିନ୍ତୁ ପାକିସ୍ତାନ ଅଭିଯୋଗ କରିଛି ଯେ ଭାରତ ଏହି ଚୁକ୍ତିକୁ ମାନୁନାହିଁ । ଏହି ଚୁକ୍ତିକୁ ନ ମାନି ଭାରତ ନଦୀବନ୍ଧ ନିର୍ମାଣ କରୁଛି ବୋଲି ପାକ କହିଛି ।