ଡେଟିଂ ଆପରେ ଯୁବତୀଙ୍କ ଧମକ: ଦିଲ୍ଲୀରେ ହେବ ପରମାଣୁ ଆକ୍ରମଣ, ଉଡାଇ ଦିଆଯିବ ରାଷ୍ଟ୍ରପତି ଭବନ
ନୂଆଦିଲ୍ଲୀ: ଦିଲ୍ଲୀରେ ହେବ ନ୍ୟୁକ୍ଲିୟର ବିସ୍ଫୋରଣ, ଧ୍ୱଂସ ହେବ ରାଷ୍ଟ୍ରପତି ଭବନ । ଡେଟିଂ ଆପ୍ ଟିଣ୍ଡରରେ ଜଣେ ଯୁବକଙ୍କୁ ଏଭଳି ଧମକ ଦେଇଛନ୍ତି ଜନୈକା ଯୁବତୀ । ଡେଟିଂ ଆପ୍ ଟିଣ୍ଡରରେ ଯୁବକ ଜଣକ ଚାଟିଂ କରୁଥିବା ବେଳେ କୌଣସି କାରଣରୁ ଯୁକ୍ତିତର୍କ ହେବାରୁ ଯୁବତୀ ଜଣକ ଧମକ ଦେବା ସହ କହିଥିଲେ, ‘ତୁ ଜାଣିନାହୁଁ ମୁୁଁ କିଏ? ଯେତେବେଳେ ଦିଲ୍ଲୀରେ ନ୍ୟୁକ୍ଲିୟର ଆଟାକ୍ ହେବ ଓ ବିସ୍ଫୋରଣରେ ରାଷ୍ଟ୍ରପତି ଭବନକୁ ଉଡାଇ ଦିଆଯିବ ସେତେବେଳେ ଜାଣିବ ମୁଁ କିଏ?’
Sambad is now on WhatsApp
Join and get latest news updates delivered to you via WhatsApp
ଡେଟିଂ ଆପରେ ଏଭଳି ସାଂଘାତିକ ଧମକ ମିଳିବା ନୂଆ କଥା । ଯୁବକଙ୍କ ଅଭିଯୋଗ ପାଇବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି । ପୁଲିସ ଯୁବକଙ୍କ ଚାଟିଂ ଆପର ଆଇଡି ଜରିଆରେ ଯୁବତୀ ଜଣକ କିଏ ତାହା ଜାଣିବାକୁ ପ୍ରୟାସ ଚଲାଇଛି । ଏପରିକି କେଉଁଠାରୁ ଯୁବତୀ ଜଣକ ଏଭଳି ଚାଟିଂ କରୁଛନ୍ତି ତାହା ଜାଣିବା ପାଇଁ ଛାନଭିନ୍ ଆରମ୍ଭ ହୋଇଛି । କାରଣ ପୁଲୱାମା ଆକ୍ରମଣ ପରେ କୌଣସି ଧମକକୁ ହାଲକାରେ ନେବାକୁ ଚାହୁଁନାହିଁ ପୁଲିସ । ତେଣୁ ଏହି ଧମକ ଆସିବା ପରେ ସର୍ତକତା ଅବଲମ୍ବନ କରାଯାଉଛି।