ଗୋରଖପୁରର ଗୋରଖନାଥ ମନ୍ଦିରରେ ରହି ଶାସନ ଚଳାଉଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ!
ଗୋରଖପୁର:ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗତକାଲିଠାରୁ ପାଞ୍ଚ ଦିନ ଯାଏଁ ଗୋରଖନାଥ ମନ୍ଦିରରେ ଅବସ୍ଥାନ କରୁଥିବା ଜଣାଯାଇଛି। ଆହୁରି ମଧ୍ୟ କୁହାଯାଉଛି ଯେ ଏହି ମନ୍ଦିରରୁ ହିଁ ସେ ସରକାର ଚଳାଇବେ । ଯୋଗୀ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ହେବା ପରେ ଗୋରଖପୁରସ୍ଥିତ ଗୋରଖନାଥ ମନ୍ଦିରର ପୀଠାଧିଶ୍ୱର ମଧ୍ୟ ଅଛନ୍ତି ଏବଂ ମଙ୍ଗଳବାର ଯାଏଁ ସେ ଏହି ଭୂମିକାରେ ଦେଖାଯିବେ ।
Sambad is now on WhatsApp
Join and get latest news updates delivered to you via WhatsApp
ମନ୍ଦିର ପରିଚାଳନା ତରଫରୁ ଦିଆଯାଇଥିବା ସୂଚନା ଅନୁଯାୟୀ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବୁଧବାର ଯାଏଁ ଗୋରଖପୁରରେ ହିଁ ରହିବେ । ଏହି ସମୟରେ ସେ ନବରାତ୍ରୀର ସପ୍ତମୀ, ଅଷ୍ଟମୀ ଓ ନବମୀ ପୂଜା କରିବା ପରେ ଦଶହରା ଦିନ ପରଂପରାଗତ ବିଜୟ ଶୋଭାଯାତ୍ରାରେ ନେତୃତ୍ୱ ନେବେ ।
ଯୋଗୀ ଆଦିତ୍ୟନାଥ ସୋମବାର ଅର୍ଥାତ ନବରାତ୍ରୀର ନବମୀ ତିଥିରେ କନ୍ୟାପୂଜନ କରିବେ । କନ୍ୟାମାନଙ୍କ ପାଦ ଧୋଇ ଭୋଜନ କରାଇବେ । ନବରାତ୍ରୀ ଶେଷ ହେବା ପରେ ମଙ୍ଗଳବାର ୪ଟାରେ ବିଜୟ ଶୋଭାଯାତ୍ରାରେ ସାମିଲ ହେବେ । ବିଜୟା ଦଶମୀ ଅବସରରେ ମଙ୍ଗଳବାର ସନ୍ଧ୍ୟାରେ ଏକ ଭୋଜି କାର୍ଯ୍ୟକ୍ରମରେ ଉପସ୍ଥିତ ରହିବେ। ଗୋରଖପୁରରୁ ସେ ଅକ୍ଟୋବର ୯ତାରିଖ ପୂର୍ବାହ୍ନରେ ଲକ୍ଷ୍ନୌ ଅଭିମୁଖେ ଯାତ୍ରା କରିବେ ବୋଲି ଜଣାଯାଇଛି ।