‘ସିଏଏ’ ପ୍ରତିବାଦ: ଲକ୍ଷ୍ନୌର ଘଣ୍ଟାଘର ଠାରେ ପ୍ରତିବାଦକାରିଣୀ ମହିଳାଙ୍କ ଠାରୁ ଖାଦ୍ୟ ଓ କମ୍ବଳ ଛଡ଼ାଇ ନେଲା ପୁଲିସ
ଲକ୍ଷ୍ନୌ: ଶନିବାର ସନ୍ଧ୍ୟାରେ ଘଣ୍ଟାଘର ଅଞ୍ଚଳରେ ‘ନାଗରିକତା ସଂଶୋଧନ ଆଇନ’ ବିରୋଧରେ ପ୍ରତିବାଦ କରୁଥିବା ମହିଳାଙ୍କ ଠାରୁ ଲକ୍ଷ୍ନୌ ପୁଲିସ ଖାଦ୍ୟ ସାମଗ୍ରୀ ଏବଂ କମ୍ବଳ ଛଡ଼ାଇ ନେଇଯାଇଛି।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର ଶାହୀନ୍ ବାଗ୍ ଦ୍ୱାରା ଅନୁପ୍ରାଣିତ ହୋଇ ପ୍ରାୟ ୫୦୦ ମହିଳା ପିଲାଛୁଆ ଧରି ଶନିବାର ସନ୍ଧ୍ୟାରେ ଲକ୍ଷ୍ନୌର ପୁରୁଣା କ୍ୱାର୍ଟର୍ସସ୍ଥିତ ଘଣ୍ଟା ବୁରୁଜ ନିକଟରେ ଧାରଣା ଦେଇ ‘ସିଏଏ’ ଏବଂ ‘ଏନ୍ଆର୍ସି’ ବିରୋଧରେ ପ୍ରତିବାଦ ପ୍ରଦର୍ଶନ କରୁଥିଲେ।
Kon chor hai? Haan wahi!
What an embarrassment! #LucknowProtest #HusainabadClockTower #CAAProtest#GhantaGhar pic.twitter.com/2PgpRuunb8— V (@Varishaaaa) January 18, 2020
ପୁଲିସ ସେମାନଙ୍କ ଠାରୁ କମ୍ବଳ ଓ ଖାଦ୍ୟ ଆଦି ଛଡ଼ାଇ ନେଇ ପୋଲିସ ଭ୍ୟାନ୍ ଆଡ଼କୁ ଦୌଡୁଥିବାର ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହୋଇଛି।
ପୁଲିସର ଏହି କାର୍ଯ୍ୟକୁ ନିନ୍ଦା କରି ଘଣ୍ଟା ଘର ଅଞ୍ଚଳରେ ଧାରଣା ଦେଉଥିବା ମହିଳାମାନେ ସ୍ଲୋଗାନ୍ ଦେଇଥିଲେ: ଉତ୍ତର ପ୍ରଦେଶର ଚୋର ପୁଲିସ।
ପୁଲିସ ଘଟଣାସ୍ଥଳରେ ପହଞ୍ଚିବା ଯାଏଁ ପ୍ରତିବାଦ ଶାନ୍ତିପୂର୍ଣ୍ଣ ଥିଲା। ପୁଲିସ ସେଠାରେ ପହଞ୍ଚି ଖାଦ୍ୟ ସାମଗ୍ରୀ ଏବଂ କମ୍ବଳ ଛଡ଼ାଇ ନେବା ପରେ ପ୍ରତିବାଦକାରିଣୀମାନେ ଗୋଳମାଳ ଆରମ୍ଭ କରିଥିଲେ।
ପୁଲିସର ଏ ଭଳି କାର୍ଯ୍ୟକୁ ସର୍ବସାଧାରଣରେ ସମାଲୋଚନା କରାଯାଇଛି।