ମୁଣ୍ଡରେ ପଗଡ଼ି ଦେଖି ଆମେରିକାନ୍ କମେଡିଆନ୍ ଡ଼ରିବାରୁ ବିମାନରୁ ୪ଜଣ ଶିଖ୍ ଯୁବକଙ୍କୁ ଓହ୍ଲାଇଦେଲେ କ୍ର୍ୟୁ ମେମ୍ବର
ନୂଆଦିଲ୍ଲୀ : ବିମାନରେ ଯାତ୍ରା କରୁଥିବା ଇନ୍ଷ୍ଟାଗ୍ରାମ୍ କମେଡିଆନ୍ ଜେସ୍ ହିଲାରିୟସଙ୍କୁ ବିମାନ ମଧ୍ୟରେ ୪ଜଣ ଶିଖ୍ ଯୁବକଙ୍କୁ ଦେଖି ଡ଼ର ଲାଗିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ତାଙ୍କୁ ଡ଼ର ଲାଗିବାକୁ ଦେଖି ୪ଜଣ ଶିଖ୍ ଯୁବକଙ୍କୁ ବିମାନ ମଧ୍ୟରୁ ବାହାର ମଧ୍ୟ କରି ଦିଆଯାଇଥିବା ଜଣା ପଡ଼ିଛି । ଏହି ଖବର ନିଜେ ଜେସ୍ ଟୁଇଟ୍ରରେ ଏକ ଭିଡିଓ ସେୟାର କରି ଜଣାଇଛନ୍ତି । ଭିଡିଓଟି ଭାଇରାଲ ହେବା ପରେ ତାଙ୍କୁ ସୋସିଆଲ ମିଡିଆରେ ଲୋକମାନେ ଟ୍ରୋଲ କରିବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଲୋକପ୍ରିୟ କମେଡିଆନ୍ ଜେସ୍ ବିମାନ ମଧ୍ୟକୁ ପ୍ରବେଶ କରିବା ପରେ ୪ଜଣ ଶିଖ୍ ଯୁବକଙ୍କୁ ଦେଖି ଡ଼ରି ଯାଇଥିଲେ । ଜେସ୍ଙ୍କୁ ଇସ୍ଲାମ୍ଫୋବିଆ( ମୁସ୍ଲିମ୍ ଏବଂ ଇସ୍ଲାମ୍ ଧର୍ମର ଲୋକଙ୍କୁ ଦେଖି ଡ଼ରୁଥିବା ବ୍ୟକ୍ତି) ଥିବାରୁ ସେ ୪ଜଣ ଶିଖ୍ ଯୁବକଙ୍କ ମୁହଁ ଏବଂ ତାଙ୍କ ପଗଡ଼ି ଦେଖି ଡ଼ରି ଯାଇଥିଲେ । ଏହା ପରେ ୪ଜଣଙ୍କୁ ବିମାନରୁ ବାହାର କରିବା ପାଇଁ ଜିଦ୍ ଧରି ବସିଥିଲେ । ପରେ ବାଧ୍ୟ ହୋଇ କ୍ର୍ୟୁ ମେମ୍ବର ୪ଜଣ ଶିଖ୍ ଯୁବକଙ୍କୁ ଓହ୍ଲାଇବା ପାଇଁ କହିଥିଲେ ।
Four innocent Sikhs were kicked off a plane today because this woman was scared of how they looked.
Please watch and share this video to understand how hate hurts us all.
(see thread below for more info on the Sikh religion and identity)
pic.twitter.com/xg8vSfgsYm— Simran Jeet Singh (@SikhProf) 17 March 2019
ଏହି ଖବର ପ୍ରସାର ହେବା ପରେ ସୋସିଆଲ ମିଡିଆ ବ୍ୟବହାରକରୀମାନେ ଜେସ୍ଙ୍କୁ ଟ୍ରୋଲ କରିବା ଆରମ୍ଭ କରିଥିଲେ । ଏହାକୁ ଦେଖି ଜେସ୍ ଆଉ ଭିଡିଓ ସେୟାର କରି ଟ୍ରୋଲର୍ସମାନଙ୍କୁ ଗାଳି ଦେବା ସହ ମୁଁ ଯାହା ଅନୁଭବ କଲି ତାହା କହିଲି । ମୋତେ ଡ଼ର ଲାଗିବାରୁ ମୁଁ ଏପରି କଲି ବୋଲି କହୁଥିବା ଦେଖା ଯାଇଛି ।