ଆଲାସ୍କା ଉପକୂଳ ଭିତରକୁ ପଶି ଆସିଥିବା ପରମାଣୁ ବୋମା ନିକ୍ଷେପକାରୀ ଋଷୀୟ ଲଢ଼ୁଆ ବିମାନକୁ ଘଉଡ଼ାଇଲା ଆମେରିକା
ଓ୍ଵାଶିଂଟନ: ଋଷିଆର ପରମାଣୁ ବୋମା ନିକ୍ଷେପକାରୀ ଦୁଇଟି ଲଢ଼ୁଆ ବିମାନ ସହ ଅନ୍ୟ ଦୁଇଟି ଏସ୍ୟୁ-୩୫ ଲଢ଼ୁଆ ବିମାନ ଗତ ସୋମବାର ଦିନ ଆଲାସ୍କା ଉପକୂଳର ୨୦୦ ମାଇଲ ଭିତରକୁ ପଶି ଆସିଥିବା ବେଳେ ଆମେରିକାର ଏଫ୍-୨୨ ଲଢ଼ୁଆ ବିମାନ ସେଗୁଡ଼ିକୁ ଆକାଶ ପଥରେ ଠାବ କରି ଘଉଡ଼ାଇ ଦେଇଥିବା କହିଛି ନର୍ଥ ଆମେରିକାନ୍ ଏରୋସ୍ପେସ୍ ଡିଫେନ୍ସ କମାଣ୍ଡ।
Sambad is now on WhatsApp
Join and get latest news updates delivered to you via WhatsApp
ଗତ ସୋମବାର ଦିନ ଋଷିଆର ପରମାଣୁ ବୋମା ନିକ୍ଷେପକାରୀ ଦୁଇଟି ଲଢ଼ୁଆ ବିମାନ ସହ ଅନ୍ୟ ଦୁଇଟି ଏସ୍ୟୁ-୩୫ ଲଢ଼ୁଆ ବିମାନ ଆଲାସ୍କାର ଆକାଶ ସୀମା ଭିତରକୁ ପଶି ଆସିଥିବା ଏୟାର ଡିଫେନ୍ସ ଆଇଡେଣ୍ଟିଫିକେସନ୍ ଜୋନ୍ର ରାଡାରରେ ଜଣାପଡ଼ିବା ପରେ ନର୍ଥ ଆମେରିକାନ୍ ଏରୋସ୍ପେସ୍ ଡିଫେନ୍ସ କମାଣ୍ଡର ନିର୍ଦ୍ଦେଶ କ୍ରମେ ଆମେରିକାର ଏଫ୍-୨୨ ଓ ଇ-୩ ଏୟାରବୋର୍ଣ୍ଣ ବିମାନ ଏହାକୁ ଘଉଡ଼ାଇବା ପାଇଁ ତୁରନ୍ତ ଆକାଶକୁ ଉଠିଥିଲେ। ତେବେ ଆମେରିକାର ଏହି ଦୁଇ ଲଢ଼ୁଆ ବିମାନ ଆକାଶକୁ ଉଠିବା ପରେ ଦେଖିବାକୁ ପାଇଥିଲେ ଯେ ଋଷିଆର ଆଣବିକ ବୋମା ନିକ୍ଷେପକାରୀ ୪ଟି ଟୁପୋଲେଭ୍ ଟିୟୁ- ୯୫ ବମ୍ବର୍ସ ଓ ଅନ୍ୟ ଦୁଇଟି ଏସ୍ୟୁ- ୩୫ ଲଢ଼ୁଆ ବିମାନ ଆଲାସ୍କା ଉପକୂଳର ୨୦୦ ମାଇଲ ଭିତରକୁ ପଶି ଆସିଛନ୍ତି।
NORAD fighters intercepted Russian bombers+fighters entering Alaskan ADIZ May 20. 2x Tu-95s were intercepted by 2x F-22s; a second group of 2x Tu-95+2x Su-35 was intercepted later by 2 more F-22’s; NORAD E-3 provided overall surveillance. The aircraft remained in int’l airspace pic.twitter.com/VrNuSWFOQm
— North American Aerospace Defense Command (@NORADCommand) May 21, 2019
ଏ ଘଟଣା ଦେଖିବା ପରେ ସଙ୍ଗେସଙ୍ଗେ ଆଉ ୪ଟି ଏଫ୍-୨୨ ଲଢ଼ୁଆ ବିମାନ ଆକାଶକୁ ଉଠି ଋଷୀୟ ବିମାନର ଗତିପଥକୁ ଅବରୋଧ କରିବା ସହ ଏହାକୁ ଘଉଡ଼ାଇ ଦେଇଥିଲେ। ଏହି ପୂରା ଘଟଣାକ୍ରମର ତଦାରଖ ଓ ସର୍ବେକ୍ଷଣ କରିଥିଲା ଆମେରିକୀୟ ଇ-୩ ଯୁଦ୍ଧ ବିମାନ। ଏହି ଘଟଣାକୁ କେନ୍ଦ୍ରକରି ଏବେ ବିଶ୍ୱର ଦୁଇ ବୃହତ୍ତ ଶକ୍ତି ଆମେରିକା ଓ ଋଷିଆ ମୁହାଁମୁହିଁ ଅବସ୍ଥାକୁ ଆସି ଯାଇଛନ୍ତି। ଋଷିଆ ପ୍ରତିରକ୍ଷା ମନ୍ତ୍ରାଳୟ ଏହି ଘଟଣାକୁ ସ୍ୱୀକାର କରିବା ସହ ଆଲାସ୍କା ପଶ୍ଚିମ ଉପକୂଳରେ ଏହା ଏକ ନିୟମିତ ଉଡ଼ାଣ ଥିଲା ବୋଲି କହିଛି।