ଆଜିଠାରୁ ଲାଗୁ ହେଲା ଇରାନ ଉପରେ ଆମେରିକାର କଟକଣା, କେବଳ ଭାରତ,ଚୀନ ଓ ଜାପାନ ଇରାନରୁ ତେଲ କିଣିପାରିବେ
ନୂଆଦିଲ୍ଲୀ : ଆଜିଠାରୁ ଆମେରିକା ଇରାନ ଉପରେ ଆର୍ଥିକ କଟକଣା ଲାଗୁ କରିଛି । ଗୋପନ ଆଣବିକ କାର୍ଯ୍ୟକ୍ରମ ଚଳାଉଥିବାରୁ ଆମେରିକା ଇରାନ ଉପରେ ଏହି କଟକଣା ଲାଗୁ କରିଛି । ଇରାନଠାରୁ ଯେଉଁ ଦେଶ ତେଲ କିଣିବା ତାହା ଉପରେ ମଧ୍ୟ ଆମେରିକା ଆର୍ଥିକ କଟକଣା ଲଗାଇବ । କିନ୍ତୁ ଆମେରିକାର ଏହି ପଦକ୍ଷେପ ଫଳରେ ବିଶ୍ୱ ବଜାରକୁ ଇରାନର ତେଲ ଯୋଗାଣ ହ୍ରାସ ପାଇବ । ଏହା ଦ୍ୱାରା ଅଶୋଧିତ ତେଲ ଦର ପୁଣି ବଢିବା ଆଶଙ୍କା ଦେଖାଦେଇଛି । ଅବଶ୍ୟ ଭାରତ ପାଇଁ ଆଶ୍ୱସ୍ତିଭରା ଖବର ହେଉଛି ଯେ କେବଳ ତିନୋଟି ଦେଶ ଇରାନଠାରୁ ତେଲ କିଣିବାକୁ ଅନୁମତି ପାଇବେ । ଅର୍ଥାତ ସେମାନଙ୍କ ବିରୋଧରେ କଟକଣା ଲାଗୁ ହେବ ନାହିଁ । ଏ ସଂପର୍କରେ ଆମେରିକାର ପରରାଷ୍ଟ୍ର ସଚିବ ମାଇକ ପମ୍ପିଓ ସୂଚନା ଦେଇଚନ୍ତି । କିନ୍ତୁ ଏହି ସୁବିଧା ସୀମିତ ସମୟ ପାଇଁ ଉପଲବ୍ଧ ହେବ ବୋଲି ଆମେରିକା ସ୍ପଷ୍ଟ କରିଦେଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଆସନ୍ତା ମାର୍ଚ୍ଚ ସୁଦ୍ଧା ଭାରତର ବୃହତ୍ତମ ତୈଳ ମାର୍କେଟିଂ କମ୍ପାନି ଇଣ୍ଡିଆନ ଅଏଲ କୁ ଇରାନରୁ ୧.୨୫ ନିୟୁତ ଟନ ଅଶୋଧିତ ତେଲ ଆମଦାନୀ କରିବାକୁ ଆମେରିକା ଅନୁମତି ଦେବ । ଏ ନେଇ ଦୁଇ ଦେଶ ସହମତ ହୋଇଛନ୍ତି ଓ ଆସନ୍ତା କିଛି ଦିନ ମଧ୍ୟରେ ଏ ନେଇ ଘୋଷଣା କରାଯିବ । ଏହା ହେଲେ ଭାରତ ଶସ୍ତାରେ ତେଲ ପାଇପାରିବ ।