ସନ୍ତାନହୀନତା ଦୋଷର ଚିକିତ୍ସା ଲାଗି ହସ୍ପିଟାଲକୁ ଆସିଥିଲେ ଯୁବକ, ସର୍ଜରି ବେଳେ ମିଳିଲା ତାଙ୍କ ଶରୀରରେ ମହିଳାଙ୍କ ଜନନାଙ୍ଗ ଏବଂ ଗର୍ଭାଶୟ
ମୁମ୍ବାଇ: ମୁମ୍ବାଇର ସରକାରୀ ଜେଜେ ହସ୍ପିଟାଲକୁ ଆସିଥିବା ଜଣେ ୨୯ ବର୍ଷିଅ ଯୁବକଙ୍କ ଶରୀରରେ ଡାକ୍ତରମାନେ ମହିଳାଙ୍କଠାରେ ଥିବା ଫେଲେପିୟନ୍ ଟିଉବ୍, ଜନନାଙ୍ଗ ଏବଂ ଗର୍ଭାଶୟ ପାଇଛନ୍ତି । ଡାକ୍ତରଙ୍କ କହିବା ଅନୁସାରେ ଯୁବକଙ୍କ ଶରୀରରେ ଏକ ଅଦ୍ଭୁତ ପ୍ରକାରର ତ୍ରୁଟି ଦେଖିବାକୁ ମିଳିଛି । ଗତ ମାସରେ ଯୁବକଜଣକ ନିଜର ସନ୍ତାନହୀନତା ଦୋଷର ଚିକିତ୍ସା ଲାଗି ଜେଜେ ହସ୍ପିଟାଲକୁ ଆସିଥିଲେ। ଡାକ୍ତରମାନେ ଏହି ଅପରେସନ କରିଥିବା ବେଳେ ସଂପୃକ୍ତ ଯୁବକର ସ୍ୱାସ୍ଥ୍ୟାବସ୍ଥାରେ ଧୀରେ ଧୀରେ ଉନ୍ନତି ଘଟୁଛି ।
Sambad is now on WhatsApp
Join and get latest news updates delivered to you via WhatsApp
ହସ୍ପିଟାଲର ୟୁରୋଲୋଜି ବିଭାଗର ମୁଖ୍ୟ ଡାକ୍ତର ଭେଙ୍କଟ ଗୀତେ କହିଛନ୍ତି, ଯୁବକଙ୍କ ସର୍ଜରି ଗତ ମାସ ୨୬ ତାରିଖରେ କରାଯାଇଥିଲା । ସେ କହିଛନ୍ତି, ଯୁବକଙ୍କ ଶରୀରରୁ ଗର୍ଭାଶୟ, ଫେଲୋପିୟନ ଟ୍ୟୁବ, ସର୍ଭିକ୍ସ ଏବଂ ଜନନାଙ୍ଗର ଏକ ଅଂଶ ଅପରେସନରେ ବାହାର କରାଯାଇଛି । ଏଯାଏଁ ୨୦୦ଟି ଏଭଳି ମାମଲା ଦୃଷ୍ଟିଗୋଚର ହୋଇଛି । ଏହାକୁ ପ୍ରୋସିଷ୍ଟେଣ୍ଟ ମୁଲେିୟାନ ଆକ୍ସ ସିଣ୍ଡ୍ରୋମ କୁହାଯାଇଥାଏ । ସର୍ଜରି ସଫଳ ହୋଇଛି , କିନ୍ତୁ ଯୁବକ ଆଉ କେବେ ବି ବାପା ହୋଇ ପାରିବେ ନାହିଁ । କାରଣ ସେ ଏଜୋର୍ସ୍ପାମିଆ ରୋଗରେ ପୀଡ଼ିତ ।