ଅଷ୍ଟ୍ରେଲିଆରେ ମତଦାନ ନ କଲେ ଦେବାକୁ ପଡ଼େ ଜରିମାନା
ନୂଆଦିଲ୍ଲୀ : ବର୍ତ୍ତମାନ ସମୟରେ ଅନେକ ଦେଶରେ ମତଦାନ ପ୍ରକ୍ରିୟା ଜାରି ରହିଛି । ଭାରତରେ ୬ଟି ପର୍ଯ୍ୟାୟ ଶେଷ ହୋଇ ସାରିଥିବା ବେଳେ ମେ’୧୯ରେ ଅନ୍ତିମ ପର୍ଯ୍ୟାୟ ମତଦାନ ହେବାକୁ ଯାଉଛି । ତେବେ ଶନିବାର ଅଷ୍ଟ୍ରେଲିଆରେ ସାଧାରଣ ନିର୍ବାଚନ ପାଇଁ ମତଦାନ ହୋଇଥିବା ଜଣାପଡ଼ିଛି । ୧୯୨୪ ମସିହାରେ ପ୍ରଥମେ ଅଷ୍ଟ୍ରେଲିଆରେ ମତଦାନ ପ୍ରକ୍ରିୟା ଆରମ୍ଭ କରାଯାଇଥିଲା, ଯାହା ପରଠାରୁ ସେଠାରେ କେବେ ହେଲେ ୯୧%ରୁ କମ ଭୋଟିଂ ହୋଇ ନାହିଁ । ୧୯୯୪ରେ ୯୬.୨୨% ମତଦାନ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ମତଦାନ ବାଧ୍ୟତାମୂଳକ ହେବା ଦ୍ୱାରା ସେଠାରେ ଲୋକମାନେ ରାଜନୀତି ଏବଂ ସରକାରଙ୍କ କାମ ଉପରେ ଅଧିକ ଧ୍ୟାନ କେନ୍ଦ୍ରିତ କରିଥାନ୍ତି । ଯେଉଁ ଲୋକମାନେ ମତଦାନ କରନ୍ତି ନାହିଁ, ସେମାନଙ୍କୁ ସରକାର ଜବାବ ମାଗିଥାନ୍ତି । ସନ୍ତୋଷଜନକ ଜବାବ ବା ଉଚିତ କାରଣ ଜଣା ନ ପଡ଼ିଲେ ପାଖାପାଖି ୧,୦୦୦ଟଙ୍କା ଜରିମାନା ଦେବାକୁ ପଡ଼ିଥାଏ । ଏଭଳି ନିୟମ କରାଯାଇଥିବାରୁ ଅଷ୍ଟ୍ରେଲିଆରେ ପ୍ରାୟ ସମସ୍ତେ ମତଦାନ କରିବାକୁ ଇଚ୍ଛା ପ୍ରକାଶ କରିଥାନ୍ତି ।