ନୂଆଦିଲ୍ଲୀ: ହରିୟାଣାର ଚର୍ଖୀ ଦାଦ୍ରିରେ ଆଜି ନିର୍ବାଚନୀ ସଭାକୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ | ସେ କହିଛନ୍ତି ଯେ ଯେଉଁ ପାଣି ପାକିସ୍ତାନକୁ ଚାଲିଯାଉଛି ତାହାକୁ ସେ ଅଟକାଇବେ ଓ ହରିୟାଣାର ଲୋକଙ୍କ ଘରେ ଘରେ ଏହି ପାଣିକୁ ପହଞ୍ଚାଇବେ | ମୋଦୀ କହିଛନ୍ତି ଯେ ୭୦ ବର୍ଷ ଧରି ଭାରତ ଓ ହରିୟାଣାର କୃଷକଙ୍କ ଅଧିକାର ଥିବା ପାଣି ପାକିସ୍ତାନକୁ ଚାଲିଯାଉଛି |

Advertisment


ଏହି ପାଣି ଉପରେ ସମସ୍ତ ଭାରତ ବାସୀଙ୍କର ଅଧିକାର ଥିବାରୁ ଏହାକୁ ଅଟକାଇ କୃଷକଙ୍କ ଜମି ଓ ଲୋକଙ୍କ ଘରେ ପହଞ୍ଚାଇବେ | ମୋଦୀ କହିଥିଲେ ଯେ ବିଗତ ସରକାରଙ୍କ ଯୋଗୁଁ ଭାରତର ପାଣି ପାକିସ୍ତାନକୁ ଚାଲିଯାଉଛି |

ସିନ୍ଧୁ ଚୁକ୍ତିନାମା ଅନୁସାରେ ଯେଉଁ ପାଣି ପାକିସ୍ତାନକୁ ଚାଲିଯାଉଛି ଏଥିରେ ସଂଶୋଧନ କରାଇବାକୁ ମୋଦୀ ନିଜେ ପ୍ରୟାସ ଆରମ୍ଭ କରିଥିବାର ସଙ୍କେତ ଦେଇଛନ୍ତି | ସେହିପରି ମୋଦୀ କହିଛନ୍ତି ଯେ ହରିୟାଣାର ଗାଁ ଯଦି ଆଗକୁ ଆସିନଥାନ୍ତା ତେବେ 'ବେଟି ବଚାଓ ବେଟି ପଢାଓ' ଆନ୍ଦୋଳନ ଏତେ ପ୍ରଭାବଶାଳୀ ହୋଇପାରିନଥାନ୍ତା | ଏଠାରେ ସୂଚନା ଥାଉ କି ଆସନ୍ତା ଅକ୍ଟୋବର ୨୧ ତାରିଖରେ ହରିୟାଣାରେ ବିଧାନସଭା ନିର୍ବାଚନ ହେବ।