ଦୁର୍ଗାପୁର: ରେଳ ଯାତ୍ରୀଙ୍କୁ ଆକୃଷ୍ଟ କରିବାକୁ ରେଳ ମନ୍ତ୍ରାଳୟ ପକ୍ଷରୁ ଭିନ୍ନ ଭିନ୍ନ ଉପାୟ ଆପଣାଯାଉଛି | ସୁସଜ୍ଜିତ ଅତିଥି ରୁମ ସହ ବ୍ୟବସ୍ଥିତ ଟିକେଟ ବ୍ୟବସ୍ଥାକୁ ଆପଣା ଯାଇଥିବା ବେଳେ ଏବେ ରେଳଷ୍ଟେସନର ସୌନ୍ଦର୍ଯ୍ୟକରଣକୁ ରେଳ ମନ୍ତ୍ରାଳୟ ଗୁରୁତ୍ୱ ଦେବାରେ ଲାଗିଛି | ବିଶେଷ କରି ଟ୍ରେନର ପରିଷ୍କାର ପରିଛନ୍ନତା ସହ ଟ୍ରେନ ବଗିର ଆଧୁନିକୀକରଣ କରାଯାଇ ନୂଆ ରୂପ ଦିଆଯାଉଛି |
Sambad is now on WhatsApp
Join and get latest news updates delivered to you via WhatsApp
ତେବେ ପଶ୍ଚିମବଙ୍ଗର ଆସାନସୋଲ ଡିଭିଜନର ଦୁର୍ଗାପୁର ଷ୍ଟେସନରେ ଥିବା ଫୁଟ ଓଭରବ୍ରିଜକୁ ଏବେ ଏଭଳି ସଜ୍ଜିତ କରାଯାଇଛି ଯାହାକି ଏଠାକାର ରେଳ ଯାତ୍ରୀଙ୍କୁ ଆକର୍ଷିତ କରୁଛି | ଏଠାକାର ଫୁଟ ଓଭରବ୍ରିଜକୁ ମୟୁରପୂଛ ଭଳି ରଙ୍ଗ ଦିଆଯିବା ସହ ଜଳପ୍ରପାତର ରଙ୍ଗ ମଧ୍ୟ ଦିଆଯାଇଛି | ଯାହାକି ଦୂରରୁ ଦେଖିଲେ ଭ୍ରମ ସୃଷ୍ଟି କରୁଛି | ସିମେଣ୍ଟ ପାହାଚରେ ନୂଆ ଢଙ୍ଗର ଫୁଟ ଓଭରବ୍ରିଜ ଦେଖିବାକୁ ଲୋକଙ୍କ ଗହଳି ମଧ୍ୟ ଦେଖିବାକୁ ମିଳୁଛି |
ଏଠାରେ ସୂଚନା ଥାଉ କି ଏହା ପୂର୍ବରୁ ମହାରାଷ୍ଟ୍ରର ନାନ୍ଦେଡ଼ର ହଜୁର ସାହିବ ରେଳ ଷ୍ଟେସନରେ ମଧ୍ୟ ସୁନ୍ଦର ଚିତ୍ର ଅଙ୍କାଯାଇଥିଲା | ଭାରତୀୟ ରେଳର କ୍ରମବିକାଶକୁ ଏହି ଚିତ୍ର ମାଧ୍ୟମରେ ପ୍ରଦର୍ଶିତ କରାଯାଇଥିଲା |