ଇସ୍ଲାମାବାଦ: ଅନ୍ତର୍ଜାତୀୟ ଆତଙ୍କବାଦୀ ତଥା ଜମାଉତ-ଉଲ୍-ଦାଓ୍ଵାର ମୁଖ୍ୟ ହାଫିଜ୍ ସଇଦ୍ ପୁଣି ଥରେ ଭାରତକୁ ଖୋଲା ଚ୍ୟାଲେଞ୍ଜ୍ କରିଛି । କାଶ୍ମୀରକୁ ଭାରତଠାରୁ ମୁକ୍ତ କରାଯିବ ବୋଲି ସଇଦ୍ ଧମକ ଦେଇଛି । ଏହା ଦ୍ୱାରା ୧୯୭୧ରେ ଭାରତ ନିକଟରେ ପାକିସ୍ତାନ କରିଥିବା ଲଜ୍ଜାଜନକ ପରାଜୟର ବଦଲା ନିଆଯିବ ବୋଲି ସେ କହିଛି ।
Sambad is now on WhatsApp
Join and get latest news updates delivered to you via WhatsApp
ଜାତିସଂଘ ଦ୍ୱାରା ଅନ୍ତର୍ଜାତୀୟ ଆତଙ୍କବାଦୀ ଘୋଷିତ ତଥା ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ୍ ହାଫିଜ୍ କହିଛି ଯେ ୧୯୭୧ରେ ଭାରତ ପାକିସ୍ତାନଠାରୁ ବାଂଲାଦେଶକୁ ଛଡାଇ ନିଆଯାଇ ମୁକ୍ତ କରାଯାଇଥିଲା । ସେହି ପ୍ରକାରେ କାଶ୍ମୀରକୁ ଭାରତଠାରୁ ଛଡ଼ାଇ ମୁକ୍ତ କରାଯିବ । ଏପରି କରି ହିଁ ପ୍ରତିଶୋଧ ନିଆଯିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ ୧୯୭୧ ଡିସେମ୍ବର ୧୬ରେ ଭାରତ ଠାରୁ ଲଜ୍ଜାଜନକ ପରାଜୟ ଭୋଗି ପାକିସ୍ତାନର ୯୦ ହଜାରରୁ ଅଧିକ ସୈନିକ ଆତ୍ମସମର୍ପଣ କରିଥିଲେ । ଏହା ସହିତ ଭାରତ ପାକିସ୍ତାନ କବଳରୁ ବାଂଲାଦେଶକୁ ମୁକ୍ତ କରିଥିଲା । ଏହି ଦିନଠାରୁ ଡିସେମ୍ବର ୧୬କୁ ଉଭୟ ଭାରତ ଓ ବାଂଲାଦେଶ ବିଜୟ ଦିବସଭାବେ ପାଳନ କରନ୍ତି । ଯୁଦ୍ଧପରେ ମୁକ୍ତିବାହିନୀର ନେତା ଶେଖ୍ ମୁଜିବୁର ରେହେମାନ ବାଂଲାଦେଶର ପ୍ରଥମ ରାଷ୍ଟ୍ରପତି ହୋଇଥିଲେ । କିନ୍ତୁ ଏହି ଅପମାନକୁୁ ପାକିସ୍ତାନ ଆଜିପର୍ଯ୍ୟନ୍ତ ଭୁଲିପାରିନାହିଁ ।
ପାକିସ୍ତାନର ଏକ ଅଦାଲତ ଗତ ନଭେମ୍ବର ୨୪ରେ ହାଫିଜ୍କୁ ଗୃହବନ୍ଦୀରୁ ମୁକ୍ତ କରିଥିଲା । ମୁକ୍ତ ହେବା ପରଠାରୁ ସେ ଭାରତ ବିରୁଦ୍ଧରେ ବିଷ ଉଗାଳି ଚାଲିଛି ।