ହରିଆଣା ବିଧାନସଭା ନିର୍ବାଚନ ପୂର୍ବରୁ ବିଜେପି ପାଇଁ ଭଲ ଖବର! ଏକାକୀ ଲଢ଼ିବ ବିଏସପି
ନୂଆଦିଲ୍ଲୀ: ଆଗାମୀ ଡିସେମ୍ବର ମାସରେ ହେବାକୁ ଥିବା ହରିଆଣା ବିଧାନସଭା ନିର୍ବାଚନ ପୂର୍ବରୁ ବିଜେପି ପାଇଁ ଭଲ ଖବର ମିଳିଛି। ବହୁଜନ ସମାଜ ପାର୍ଟି ରାଜ୍ୟରେ ଏକାକୀ ନିର୍ବାଚନ ଲଢ଼ିବ। ଏହାଫଳରେ ବିଜେପିର ଚିନ୍ତା କମିଯାଇଛି। ଏବେ ଦଳର ମିସନ୍ ୭୫ ସହଜସାଧ୍ୟ ହେବ ବୋଲି କୁହାଯାଉଛି।କିଛି ଦିନ ଖବର ମିଳିଥିଲା ଯେ ଆଗାମୀ ନିର୍ବାଚନରେ କଂଗ୍ରେସ ସହ ବହୁଜନ ସମାଜ ପାର୍ଟି (ବିଏସପି) ନିର୍ବାଚନୀ ମେଣ୍ଟ କରିବ।
Sambad is now on WhatsApp
Join and get latest news updates delivered to you via WhatsApp
ବିଜେପିର ମୁକାବିଲା କରିବାକୁ କଂଗ୍ରେସ ଏକାକୀ ସମର୍ଥ ନୁହେଁ ବୋଲି କଂଗ୍ରେସ ଅନୁଭବ କରିବାପରେ ନବନିଯୁକ୍ତ ରାଜ୍ୟ କଂଗ୍ରେସ ଅଧ୍ୟକ୍ଷ କୁମାରୀ ଶୈଳଜା ବିଏସପି ସୁପ୍ରିମୋ ମାୟାବତୀଙ୍କୁ ଭେଟିଥିବାର ଖବର ମିଳିଥିଲା। ଖାଲି ସେତିକି ନୁହେଁ ନିର୍ବାଚନ ପ୍ରଚାର କମିଟିର ମୁଖ୍ୟ ଭୁପିନ୍ଦର ସିଂ ହୁଡା ମଧ୍ୟ ମାୟାବତୀଙ୍କୁ ସାକ୍ଷାତ କରିଥିଲେ ,ହେଲେ ଉଭୟ ଦଳ ଭିତରେ ମେଣ୍ଟ ହୋଇପାରି ନଥିବା କୁହାଯାଉଛି।
ଏବେ ଉଭୟ ବିଜେପି ଏବଂ ବିଏସପିଙ୍କ ଆଖି ରାଜ୍ୟରେ ଥିବା ସଂରକ୍ଷିତ ଆସନ ଉପରେ ରହିଛି। ସୂଚନାଯୋଗ୍ୟ ବିଜେପି ଗତ ବିଧାନସଭା ନିର୍ବାଚନରେ ୧୭ଟି ମଧ୍ୟରୁ ୮ଟି ସଂରକ୍ଷିତ ଆସନରେ ବିଜୟୀ ହୋଇଥିଲା।