ଏସ୍ପିଜି ସୁରକ୍ଷା ବଳୟ ହଟିବା ପରେ ପ୍ରିୟଙ୍କା ଗାନ୍ଧିଙ୍କ ଘରେ ପଶିଲେ ଅଜ୍ଞାତ ଯୁବକ
ପ୍ରିୟଙ୍କାଙ୍କ ସହ ମାଗିଲେ ସେଲ୍ଫି
ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଦୁହିତା ତଥା କଂଗ୍ରେସର ସାଧାରଣ ସଂପାଦିକା ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ପୂର୍ବରୁ ମିଳୁଥିବା ଜେଡ୍ ପ୍ଲସ୍ ଏସ୍ପିଜି ସୁରକ୍ଷା ବଳୟକୁ କେନ୍ଦ୍ରର ମୋଦୀ-୨ ସରକାର ହଟାଇ ନେବାପରେ ଗତ ସପ୍ତାହରେ ତାଙ୍କ ସହ ଘଟିଯାଇଛି ଏକ ଅଘଟଣ। ଏସ୍ପିଜି ସୁରକ୍ଷା ବଳୟ ପରିବର୍ତ୍ତେ ତାଙ୍କୁ ମିଳିଥିବା ସିଆର୍ପିଏଫ୍ ସୁରକ୍ଷାକୁ ବଳୟକୁ ଭେଦ କରି କେହି ଜଣେ ଅଜ୍ଞାତ ଯୁବକ ତାଙ୍କ ଘର ମଧ୍ୟକୁ ପ୍ରବେଶ ପୂର୍ବକ ତାଙ୍କ ସହ ସେଲଫି ନେବା ପାଇଁ ଦାବୀ କରିବା ଘଟଣାକୁ କେନ୍ଦ୍ର କରି ଆଜି ଦେଶବ୍ୟାପି ରାଜନୈତିକ ହଟଚମଟ ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
Sources: A security breach occurred at the residence of Congress General Secretary Priyanka Gandhi Vadra, a week ago after unknown persons entered her residence, without prior appointment asking for selfies. A complaint was filed with CRPF, investigation is underway. (file pic) pic.twitter.com/ji0szCCMiF
— ANI (@ANI) December 2, 2019
ହସ୍ତଗତ ହୋଇଥିବା ରିପୋର୍ଟରୁୁ ପ୍ରକାଶ, ଗତ ୨୬ ତାରିଖ ଦିନ କେହି ଜଣେ ଅଜ୍ଞାତ ଯୁବକ ତାଙ୍କୁ ମିଳିଥିବା ସିଆର୍ପିଏଫ୍ ସୁରକ୍ଷାକୁ ବଳୟକୁ ଭେଦ କରି ଯାଇ ତାଙ୍କ ଲୋଧି ଇଷ୍ଟେଟ ସ୍ଥିତ ସରକାରୀ ବାସଭବନ ମଧ୍ୟକୁ ପ୍ରବେଶ କରିବା ସହ ତାଙ୍କ ସହ ସେଲଫି ନେବାକୁ ଅଡ଼ି ବସିଥିଲା। ଆଜି ଏହି ଘଟଣା ଲୋକଲୋଚନକୁ ଆସିବା ପରେ ଏହାକୁ କେନ୍ଦ୍ରକରି ଦେଶବ୍ୟାପି ରାଜନୈତିକ ହଟଚମଟ ଆରମ୍ଭ ହୋଇଛି। ଅନ୍ୟପକ୍ଷରେ ପ୍ରିୟଙ୍କା ଗାନ୍ଧୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ଏ ଘଟଣା ନେଇ ଏବେ ତାଙ୍କୁ ସୁରକ୍ଷା ଯୋଗାଉ ଥିବା ସିଆର୍ପିଏଫ୍ ସହ ଆଲୋଚନା ଜାରି ରହିଥିବାରୁ ଏ ସଂପର୍କିତ ଆଉ କୌଣସି ପ୍ରକାର ଅଧିକ ତଥ୍ୟକୁ ସର୍ବସାଧାରଣରେ ପ୍ରକାଶ କରାଯାଇ ପାରିବ ନାହିଁ।
G Kishan Reddy, MoS Home Affairs on security breach at Priyanka Gandhi Vadra’s residence: I don’t know the details yet, I am coming from Lok Sabha. I will go and discuss the matter with my officers. https://t.co/OWSOnYOfZm pic.twitter.com/Ijhtl4L1Ib
— ANI (@ANI) December 2, 2019
ଉଲ୍ଲେଖଯୋଗ୍ୟ, ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଦୁହିତା ତଥା କଂଗ୍ରେସର ସାଧାରଣ ସଂପାଦିକା ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ପୂର୍ବରୁ ମିଳୁଥିବା ଜେଡ୍ ପ୍ଲସ୍ ଏସ୍ପିଜି ସୁରକ୍ଷା ବଳୟକୁ କେନ୍ଦ୍ରର ମୋଦୀ-୨ ସରକାର ହଟାଇ ନେଇ ଏବେ ତାଙ୍କୁ ସିଆରପିଏଫ୍ ସୁରକ୍ଷା ମଳୟ ମଧ୍ୟରେ ରଖିଛନ୍ତି।