ହାଇକୋର୍ଟର ଆଦେଶକୁ ମାନିଲାନି ସ୍ୱାମୀ, ଛାଡ଼ପତ୍ର ପରେ ସ୍ତ୍ରୀକୁ ଭରଣପୋଷଣ ଦେବା ପାଇଁ କହିବାରୁ ଦେଲା ଏଭଳି ଆଶ୍ଚର୍ଯ୍ୟ କଲା ଭଳି ବୟାନ
ପଟନା : ବିହାରର ପାଟନାରେ ଘଟିଥିବା ଘଟଣାକୁ ନେଇ ଏବେ ଚାରିଆଡ଼େ ଚର୍ଚ୍ଚା । ସ୍ତ୍ରୀଙ୍କୁ ଛାଡ଼ପତ୍ର ଦେବା ପରେ ଅଦାଲତ ଭରଣପୋଷଣ ଦେବା କଥା କହିବାରୁ ମୁଁ କେତେବେଳେ ବିବାହ କରିଥିଲି । ସେ ମୋ ସ୍ତ୍ରୀ ହୋଇଥିଲେ ତ ମୁଁ ଭରଣପୋଷଣ ଦେବି । ସେ ମୋ ସ୍ତ୍ରୀ ନୁହନ୍ତି । ମୁଁ ତାଙ୍କୁ କେବେ ବିବାହ କରି ନାହିଁ ବୋଲି ସ୍ୱାମୀ ପାଖରୁ ଶୁଣି ବିଚାରପତି ଆଶ୍ଚର୍ଯ୍ୟ ହୋଇ ଯାଇଥିଲେ । ଭରଣପୋଷଣ ମାଗିଥିବା ମହିଳା ଜଣଙ୍କ ରଞ୍ଜନା ହୋଇଥିବା ବେଳେ ସ୍ୱାମୀର ନାମ ରାଜେଶ କୁମାର ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରଞ୍ଜନା ଭରଣପୋଷଣ ମାଗିବା ପରେ ଗତ ବର୍ଷ ଜୁନ୍ ମାସରେ ଲକ୍ଷୀସରାୟ ପରିବାର ନ୍ୟାୟାଳୟ ରଜେଶଙ୍କୁ ମାସକୁ ୪ହଜାର ଟଙ୍କା ଦେବା କଥା କହିଥିଲେ । ରଞ୍ଜନା ରାଜେଶଙ୍କ ଉପରେ ଲଗାଇଥିବା ଅଭିଯୋଗ ସତ ପ୍ରମାଣ ହେବା ପରେ ଲକ୍ଷୀସରାୟ ପରିବାର ନ୍ୟାୟାଳୟ ରଜେଶଙ୍କୁ ଏହି ନିର୍ଦ୍ଦେଶ ଦେଇଥିଲେ । କିନ୍ତୁ ଅଦାଲତର ଏହି ରାୟକୁ ନ ମାନି ଏ ନେଇ ପାଟନା ହାଇକୋର୍ଟରେ ଅପିଲ କରିଛନ୍ତି ରାଜେଶ ।
ରଜେଶଙ୍କ କହିବା ଅନୁଯାୟୀ,ଯେଉଁ ମହିଳା ମୋତେ ଭରଣପୋଷଣ ମାଗୁଛନ୍ତି ତାଙ୍କ ସହ ମୋର ବିବାହ ହୋଇନାହିଁ । ମହିଳାଙ୍କ ଅସଲ ନାମ ରାଜନନ୍ଦିନୀ କୁମାରୀ ହୋଇଥିବା ବେଳେ ତାଙ୍କ ବିବାହ ବିପିନ ସିଂହଙ୍କ ସହ ହୋଇଥିଲା । ରାଜନନ୍ଦିନୀ କୁମାରୀ ଏବେ ରଞ୍ଜନା ଶର୍ମା ହୋଇ ସାରିଥିବା ବେଳେ ଦୁଇ ଦୁଇଟି ଆଧାର କାର୍ଡ଼ ରଖିଥିବା କହିଛନ୍ତି ରାଜେଶ । ରଞ୍ଜନାଙ୍କୁ ବିବାହ କରି ନଥିଲେ ମଧ୍ୟ ତାଙ୍କୁ ସେ ୨୦୧୧ରୁ ଜାଣିଛି, ।ଯାହାର ଫାଇଦା ସେ ଏବେ ଉଠାଇବାରେ ଲାଗିଛନ୍ତି ବୋଲି କହିଛନ୍ତି ରଜେଶ । ତେବେ ରାଜେଶଙ୍କ ବିପରୀତ ବୟାନ ପରେ ଅଦାଲତ ତଦନ୍ତର ଆଦେଶ ଦେଇଥିବା ଜଣାପଡ଼ିଛି ।