୨୦୨୪ ସୁଦ୍ଧା ଦେଶରେ ଥିବା ସବୁ ଅନୁପ୍ରବେଶକାରୀଙ୍କୁ ବିଦା କରାଯିବ : ଶାହା
ନୂଆଦିଲ୍ଲୀ : ଆସନ୍ତା ୨୦୨୪ ପୂର୍ବରୁ ଦେଶରେ ବାସକରୁଥିବା ସବୁ ବେଆଇନ ଅନୁପ୍ରବେଶକାରୀଙ୍କୁ ବିଦା କରାଯିବ, ବୋଲି ଗୃହମନ୍ତ୍ରୀ ଅମିତ ଶାହା ଚରମବାଣୀ ଶୁଣାଇଛନ୍ତି । ଝାଡ଼ଖଣ୍ଡର ପଶ୍ଚିମ-ସିଂହଭୂମି ଜିଲ୍ଲାରେ ଅନୁଷ୍ଠିତ ଏକ ନିର୍ବାଚନୀ ସଭାରେ ଯୋଗ ଦେଇ ଶାହା କହିଛନ୍ତି ଯେ ସାରା ଦେଶରେ ଏନଆରସି ( ଜାତୀୟ ନାଗରିକ ରେଜିଷ୍ଟର) ଲାଗୁ କରାଯିବ । ଏହା ମାଧ୍ୟମରେ ଆସନ୍ତା ଲୋକସଭା ନିର୍ବାଚନ ପୂର୍ବରୁ ସବୁ ବେଆଇନ ଅନୁପ୍ରବେଶକାରୀଙ୍କୁ ଆମ ଦେଶରୁ ବିଦା କରିଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଆମ ଦେଶର ପ୍ରକୃତ ନାଗରିକ ହୋଇଥିବା ବ୍ୟକ୍ତି ଯେ କୌଣସି ଧର୍ମର ହୋଇଥାନ୍ତୁ କି ନା ସେମାନେ ଏନଆରସି ତାଲିକାରେ ସ୍ଥାନ ପାଇବେ । ତେବେ ଏନଆରସି ଓ ନାଗରିକତା ସଂଶୋଧନ ବିଲ ଦୁଇଟି ଅଲଗା ଅଲଗା ବିଷୟ ବୋଲି ସେ କହିଛନ୍ତି ।
କିଛି ଦିନପୂର୍ବେ ଶାହା ରାଜ୍ୟସଭାରେ ମଧ୍ୟ କହିଥିଲେ ଯେ ସାରା ଦେଶରେ ଏନଆରସି ଲାଗୁ କରାଯିବ । ଏହାର ଜବାବରେ ଲୋକସଭାରେ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ କହିଥିଲେ ଯେ ଉଭୟ ଶାହା ଓ ମୋଦୀ ମଧ୍ୟ ଅନୁପ୍ରବେଶକାରୀ । ସେମାନେ ଗୁଜୁରାଟରୁ ଦିଲ୍ଲୀକୁ ଆସିଛନ୍ତି ।