ବିମାନରେ ମହିଳାଙ୍କୁ ଅଶାଳୀନ ଭାବରେ ସ୍ପର୍ଶ କରିଥିଲେ ପାଖରେ ବସିଥିବା ଯୁବକ, ଅଭିଯୋଗ ପରେ ତୁରନ୍ତ ଗିରଫ ହେଲା ଅଭିଯୁକ୍ତ
ହାଇଦ୍ରାବାଦ୍: ଭୋପାଳରୁ ହାଇଦ୍ରାବାଦ୍ ଯାଉଥିବା ଜଣେ ୨୫ବର୍ଷୀୟ ମହିଳା ବିମାନ ମଧ୍ୟରେ ଅସଦାଚରଣର ଶିକାର ହୋଇଥିବା ଖବର ମିଳିଛି । ମଝି ଆକାଶରେ ପୀଡ଼ିତାଙ୍କ ସହ ଅସଦାଚରଣ ହୋଇଛି । ବିମାନଟି ହାଇଦ୍ରାବାଦ୍ ବିମାନବନ୍ଦରରେ ପହଞ୍ଚିବା ପରେ ପୀଡ଼ିତା ଅଭିଯୋଗ କରିଥିଲେ । ରାଜୀବ ଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟ ପୁଲିସକୁ ଅଭିଯୋଗ କରି ଅଭିଯୁକ୍ତ ଯୁବକ ତାଙ୍କୁ ଅଶାଳୀନ ଭାବରେ ସ୍ପର୍ଶ କରୁଥିବା କହିଥିଲେ ମହିଳା । ଯାହା ପରେ ପୁଲିସ ତରନ୍ତ ତଦନ୍ତ କରି ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି । ଅଭିଯୁକ୍ତର ନାଁ ସତ୍ୟପ୍ରକାଶ ବୋଲି ଚିହ୍ନଟ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ପୀଡ଼ିତା ଶୋଇକରି ଉଠିବା ପରେ ଅଭିଯୁକ୍ତ ତାଙ୍କ ଶରୀରର ନିର୍ଦ୍ଦିଷ୍ଟ ଅଙ୍ଗକୁ ଅଶାଳୀନ ଭାବରେ ସ୍ପର୍ଶ କରୁଥିବା ଦେଖିଥିଲେ । ଯାହା ପରେ ସେ ତୁରନ୍ତ ଫ୍ଲାଇଟ୍ ଆଟେଣ୍ଡାଣ୍ଟକୁ ଡ଼ାକି ଏ ବିଷୟରେ ଜଣାଇବା ସହ ବିମାନଟି ଅବତରଣ କଲା ପରେ ଆର୍ଜିଆଇ ବିମାନବନ୍ଦର ପୁଲିସରେ ଅଭିଯୋଗ କରିଥିଲେ ।