ମହିଳାଙ୍କ ଦାବି : ମୁଁ ଆଘ୍ରାଣ କରି କିଏ ମରିବାକୁ ଯାଉଛି ତାହା ଜାଣି ପାରେ !
ସିଡନି : ଅଷ୍ଟ୍ରେଲିଆରେ ରହୁଥିବା ଜଣେ ମନୋବିଜ୍ଞାନୀ ନିଜ ବିଷୟରେ ଏକ ଚାଞ୍ଚଲ୍ୟକର ତଥ୍ୟ ସମସ୍ତଙ୍କୁ ଜଣାଇଛନ୍ତି । ଆଗକୁ କେଉଁ ବ୍ୟକ୍ତି ମରିବାକୁ ଯାଉଛି ସେ ବିଷୟରେ ତାଙ୍କୁ ପୂର୍ବାଭାସ ହୋଇଯାଏ ବୋଲି ସେ କହିଛନ୍ତି । ଉରି କଲା ନାମକ ଏହିମନୋବିଜ୍ଞାନୀଙ୍କ କହିବା ଅନୁଯାୟୀ ସେ ଜଣେ ମଣିଷର ଶରୀରର ବାସ୍ନା ଆଘ୍ରାଣକରି କେତେବେଳେ ଏବଂ କେଉଁ ସମୟରେ ସେ ମରିବାକୁ ଯାଉଛନ୍ତି ତାହା କହି ପାରିବେ । ଉରି କଲା ୧୨ବର୍ଷ ବୟସର ହୋଇଥିବା ବେଳେ ତାଙ୍କ ପାଖରେ ଏହି ଶକ୍ତି ଅଛି ବୋଲି ସେ ଜାଣିବାକୁ ପାଇଥିଲେ । ୧୨ବର୍ଷ ବୟସରେ ସେ ତାଙ୍କର ଜଣେ ସଂପର୍କିୟଙ୍କୁ ଦେଖା କରିବା ପାଇଁ ଯାଇଥିବା ବେଳେ ତାଙ୍କୁ ପ୍ରଥମେ ଏଭଳି କିଛି ଶକ୍ତି ତାଙ୍କ ପାଖରେ ଅଛି ବୋଲି ଅଭାସ ହୋଇଥିଲା । ସେ ସମୟରେ ସେ ଏକ ଅଜବ ଧରଣର ଗନ୍ଧ ଅଘ୍ରାଣ କରିଥିଲେ । ଯାହା ବିଷୟରେ କି ତାଙ୍କର ଅନ୍ୟ ପରିବାର ସଦସ୍ୟକୁ ଜଣା ପଡ଼ି ନଥିଲା । ଏହା ପରେ ଧୀରେ ଧୀରେ ସେ ସେହି ଗନ୍ଧକୁ ଅନ୍ୟ ଲୋକଙ୍କ ପାଖରେ ଅନୁଭବ କଲେ ଯେଉଁମାନେ କି କିଛି ଦିନ ପରେ ମୃତ୍ୟୁବରଣ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ କିଏ କେତେବେଳେ ମୃତ୍ୟୁବରଣ କରିବ ତାହା ଜାଣି ମଧ୍ୟ ଉରି ତାଙ୍କ ଶକ୍ତିକୁ ଉପଯୋଗ କରି କାହାକୁ ବଞ୍ଚାଇ ପାରି ନାହାନ୍ତି ବୋଲି କହିଛନ୍ତି । ଯାହା ତାଙ୍କ ପାଇଁ ଏକ ବହୁତ ବଡ଼ ଦଃଖ । ଏହା ସହ ସେ କାହାକୁ ବଞ୍ଚାଇ ପାରୁ ନ ଥିବାରୁ କିଏ ମୃତ୍ୟୁ ମୁଖକୁ ଯାଉଛି ସେ ନେଇ ମଧ୍ୟ ସେ କାହାକୁ ଜଣାନ୍ତି ନାହିଁ । ତାଙ୍କ କହିବା ଅନୁଯାୟୀ ଖାଲି ମୋ ମଧ୍ୟରେ ନୁହଁ ସମସ୍ତଙ୍କ ମଧ୍ୟରେ କିଛି ନା କିଛି ଶକ୍ତି ରହିଥାଏ । କିନ୍ତୁ ଛୋଟ ବେଳେ ସେମାନଙ୍କ ଲାଳନ ପାଳନ ପାଇଁ ତାହା ସବୁ ଦିନ ପାଇଁ ଲୁଚି ରହି ଯାଇଥାଏ । ଉରି ଏବେ ମନୋବିଜ୍ଞାନୀ ଥିବା ବେଳେ ଅନେକ ମହିଳାଙ୍କୁ ଏ ନେଇ ପ୍ରଶିକ୍ଷଣ ମଧ୍ୟ ଦେଉଥିବା ଜଣା ପଡ଼ିଛି ।