ଚର୍ଚ୍ଚାରେ ଯୋଗୀଙ୍କ ରାଲି ସମ୍ବୋଧନ; ସଶରୀରେ ନୁହେଁ, ଫୋନ୍ରେ ଦେଲେ ଅଭିଭାଷଣ
କୋଲକାତା: ପୂର୍ବରୁ ଯେତେ ବି ସବୁ ନିର୍ବାଚନ ରାଲି ହୋଇଛି ସେଥିମଧ୍ୟରୁ ରେକର୍ଡ ଭଙ୍ଗ କରିଛି ଆଜି ପଶ୍ଚିମବଙ୍ଗର ଦିନାଜପୁର ଜିଲ୍ଲାରେ ହୋଇଥିବା ବିଜେପିର ନିର୍ବାଚନ ରାଲି। ବିଭିନ୍ନ ଦଳ ପକ୍ଷରୁ ହେଉଥିବା ନିର୍ବାଚନ ରାଲି ଭିତରୁ ପଶ୍ଚିମବଙ୍ଗର ଏହି ରାଲି ନିଆରା ଢଙ୍ଗରେ ହୋଇ ଯାଇଛି।
Sambad is now on WhatsApp
Join and get latest news updates delivered to you via WhatsApp
ସଶରୀରରେ ନୁହେଁ, ବରଂ ରାଲିଠାରୁ ଅନେକ କୋଷ ଦୂରରେ ଥାଇ ଟେଲିଫୋନ୍ ଜରିଆରେ ରାଲିକୁ ସମ୍ବୋଧିତ କରିଛନ୍ତି ବିଜେପିର ଅନ୍ୟତମ ଟାଣୁଆ ନେତା ତଥା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ତେବେ କେଉଁ ପରିସ୍ଥିତିରେ ଓ କାହିଁକି ଯୋଗୀ ଆଦିତ୍ୟନାଥ ଏପରି କଲେ ତାହାକୁ ନେଇ ଏବେ ରାଜନୀତି ମହଲରେ ହଇଚଇ ସୃଷ୍ଟି ହୋଇଛି।
UP CM in Lucknow while addressing a rally in Balurghat,South Dinajpur via telephone:Mamata Ji must accept that you don’t misuse admn. in a democracy, the way it’s being done in West Bengal.The way Bengal’s admn is functioning as the workers of TMC, should not be acceptable at all pic.twitter.com/3WArf2f9hR
— ANI UP (@ANINewsUP) 3 February 2019
ଯୋଗୀ ନିଜ ଭାଷଣରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ମୁଖ୍ୟ ମମତା ବାନାର୍ଜୀଙ୍କୁ ଖୁବ୍ ସମାଲୋଚନା କରିଛନ୍ତି। ସେ ମମତାଙ୍କ ଉପରେ ଅଭିଯୋଗ ଆଣି କହିଛନ୍ତି ଯେ ମମତା ତାଙ୍କ କ୍ଷମତାର ଅପବ୍ୟବହାର କରିଛନ୍ତି।
ଯୋଗୀଙ୍କର ଏପରି ଫୋନ୍ ଜରିଆରେ ରାଲିକୁ ସମ୍ବୋଧନ କରିବା ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ତୀବ୍ର ସମାଲୋଚନା କରିଛନ୍ତି। ପୂର୍ବରୁ ପଶ୍ଚିମବଙ୍ଗରେ ହେବାକୁ ଥିବା ରାଲିକୁ ସରକାରୀ ଅନୁମତି ମିଳିନଥିଲା। ଏଥିପାଇଁ ଯୋଗୀଙ୍କ ହେଲିକପ୍ଟରକୁ ପଶ୍ଚିମବଙ୍ଗରେ ଲ୍ୟାଣ୍ଡିଂ କରିବା ପାଇଁ ପ୍ରଶାସନ ପକ୍ଷରୁ ଅନୁମତି ମିଳି ନ ଥିଲା। ଯୋଗୀଙ୍କ ହେଲିପକପ୍ଟର ଲ୍ୟାଣ୍ଡିଂ କରିବାରୁ ବଞ୍ଚିତ ହେବାରୁ ସେ ଫୋନ୍ ଯୋଗେ ସମ୍ବୋଧନ କରିବାର ନିଷ୍ପତ୍ତି ନେଇଥିଲେ।