ଜନ୍ମଦିନ ପୂର୍ବରୁ ସେଲ୍‌ଫି ନେବା ପାଇଁ ମାଲଗାଡ଼ି ଉପରକୁ ଚଢ଼ିଥିଲେ ଯୁବକ,ବିଦ୍ୟୁତ୍‌ ଝଟ୍‌କାରେ ଲିଭିଗଲା ଜୀବନଦୀପ

0 350

ଅମ୍ବାଲା(ହରିୟାଣା) : ଜନ୍ମଦିନର ଗୋଟେ ଦିନ ପୂର୍ବରୁ ୨୦ବର୍ଷିୟ ଯୁବକଙ୍କ ମୃତ୍ୟୁ ହେବା ଖବର ଅନେକଙ୍କୁ ମର୍ମାହତ କରିଛି । ନିଜର ଛୋଟ ଭୁଲ ପାଇଁ ଯୁବକ ଜଣଙ୍କ ପ୍ରାଣ ହରାଇଛନ୍ତି ବୋଲି ଜଣା ପଡ଼ିଥିବା ବେଳେ ଆଗକୁ ଏପରି ଭୁଲ ଯେମିତି କେହି ନ କରନ୍ତି ସେ ନେଇ ସତର୍କ କରାଯାଇଛି । ଏହି ଘଟଣାଟି ଘଟିଥିଲା କେଣ୍ଟ ରେଳ ଷ୍ଟସନରେ । ଯୁବକ ଜଣଙ୍କ ଠିଆ ହୋଇଥିବା ଏକ ମାଲଗାଡ଼ି ଉପରେ ଚଢ଼ି ଟିକେ ଭିନ୍ନ ଧରଣର ସେଲ୍‌ଫି ନେବେ ବୋଲି ଭାବିଥିଲେ । କିନ୍ତୁ ତାଙ୍କର ଏଭଳି କାମ ତାଙ୍କ ଜୀବନ ନେଇଯିବ ତାହା ତାଙ୍କୁ ଜଣା ନଥିଲା ।

NewIndianExpress

ସୂଚନା ମୁତାବକ, ଘରେ ନ ଜଣାଇ ଆଦିତ୍ୟ ଏବଂ ତାଙ୍କର ୩ ଜଣ ସାଙ୍ଗ କେଣ୍ଟ ରେଳ ଷ୍ଟସନରେ ପହଞ୍ଚିଥିଲେ । ଏହି ସମୟରେ ଆଦିତ୍ୟ ଟ୍ରେନ ଉପରେ ଚଢ଼ି ଠିଆ ହୋଇଯିବାରୁ ଉପରେ ଥିବା ବିଦ୍ୟୁତ୍‌ ତାର ତାଙ୍କ ଦେହରେ ଲାଗି ଯାଇଥିଲା । କେହି କିଛି ଭାବିବା ପୂର୍ବରୁ ବିଦ୍ୟୁତ୍‌ ଆଘାତରେ ଲାଗି ସେ ତଳେ ପଡ଼ି ଯାଇଥିଲେ । ରବିବାର ଏହି ଘଟଣା ଘଟିଥିବା ବେଳେ ସୋମବାର ଆଦିତ୍ୟଙ୍କ ଜନ୍ମଦିନ ଥିଲା ବୋଲି ଜଣାପଡ଼ିଛି ।

ସମ୍ବନ୍ଧିତ ଖବର

Leave A Reply

Your email address will not be published.