ଖୋର୍ଦ୍ଧା: ବିଜେପି ଟିକେଟ୍ ଘୋଷଣା ପରେ ଅନେକ ସ୍ଥାନରେ ଅସନ୍ତୋଷ ଦେଖାଦେଇଛି । ଏହାରି ଭିତରେ ଖୋର୍ଦ୍ଧାରୁ ଗୁଳିମାଡ ଖବର ସାମ୍ନାକୁ ଆସିଛି । ବିଜେପି ଟିକଟ ବଂଟନକୁ ନେଇ ଅସନ୍ତୋଷ ବଢୁଥିବା ବେଳେ ଗତକାଲି ଅପରାହ୍ନରେ ଖୋର୍ଦ୍ଧା ଓରବର ସିଂ ପଂଚାୟତରେ ଗୁଳିକାଣ୍ଡ ହୋଇଥିବା ଥାନାରେ ଏତଲା ହୋଇଛି । କାଳୁ ଚରଣ ଖଣ୍ଡାୟତରାୟଙ୍କୁ ବିଜେପି ଟିକଟ ଦେବା ପରେ କାଳୁ ଚରଣଙ୍କ ସମର୍ଥକ ଓ ବିରୋଧୀ ମୁହାଁମୁହିଁ ହୋଇଛନ୍ତି । କାଲି କାଳୁଙ୍କ ସମର୍ଥକ ଓରବର ସିଂ ପଂଚାୟତରେ ପାଟିତୁଣ୍ଡ କରୁଥିବା ବେଳେ କିଛି ସାଧାରଣ ଲୋକ ତାଙ୍କୁ ବୁଝାଇବା ପାଇଁ ଚେଷ୍ଟା କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ସେହି ସମୟରେ ନରଣଗଡ ପଂଚାୟତ ସମିତି ସଭ୍ୟ ତଥା କାଳୁଙ୍କ ପ୍ରମୁଖ ସହଯୋଗୀ ଗୁଳିମାଡ କରିଥିଲେ ବୋଲି ଅଭିଯୋଗ ହୋଇଛି । ସେ କାହାକୁ ଗୁଳିମାଡ କରୁଥିଲେ ତାହା ଜଣାପଡିନଥିବା ବେଳେ ତାଙ୍କ ଗୁଳିରେ ଗୁରୁତର ଭାବେ ଆହତ ହୋଇଛନ୍ତି ଓରବର ସିଂ ପଂଚାୟତର ଯୁଧୀଷ୍ଠିର ମହାପାତ୍ର । ତାଙ୍କ ଗୋଡରେ ଗୁଳି ବାଜିଥିବା ବେଳେ ପ୍ରଥମେ ତାଙ୍କୁ ଖୋର୍ଦ୍ଧା ଡାକ୍ତରଖାନାରେ ଭର୍ତି କରାଯାଇଥିଲା । ପରେ ଭୁବନେଶ୍ୱର ଏମ୍ସ ଏବଂ ଏବେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏନେଇ ଜଙ୍କିଆ ଥାନାରେ ଏତଲା ହେବା ପରେ ପୁଲିସ ତଦନ୍ତ ଚଳାଇଛି । ଏତଲାରେ ଦର୍ଶାଯାଇଥିବା ଅଭିଯୁକ୍ତମାନେ ଫେରାର ଅଛନ୍ତି ।