ଶେଷହେଲା ପ୍ରଥମ ପର୍ଯ୍ୟାୟ ଭୋଟଗ୍ରହଣ, ମଣିପୁରରେ ସର୍ବାଧିକ ୭୮% ମତଦାନ
ନୂଆଦିଲ୍ଲୀ : ଭାରତୀୟ ଗଣତନ୍ତ୍ରର ମହାପର୍ବ ‘ସାଧାରଣ ନିର୍ବାଚନ-୨୦୧୯’ ଆରମ୍ଭ ହୋଇଯାଇଛି । କିଛି ସମୟ ପୂର୍ବେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ଚାଲିଛି । ୨୦ଟି ରାଜ୍ୟରେ ୯୧ଟି ଲୋକସଭା ଆସନ ପାଇଁ ଭୋଟ ଗ୍ରହଣ ଏବେ ଚାଲିଛି । ପ୍ରଥମ ପର୍ଯ୍ୟାୟରେ ଆଣ୍ଡାମାନ ଓ ନିକୋବର ଏବଂ ଲକ୍ଷ୍ୟଦ୍ୱୀପ ଆସନରେ ମଧ୍ୟ ଭୋଟ ଗ୍ରହଣ ହୋଇଛି । ଲୋକସଭା ନିର୍ବାଚନ ସହିତ ୪ଟି ରାଜ୍ୟ ଓଡ଼ିଶା, ସିକ୍କିମ, ଅରୁଣାଚଳପ୍ରଦେଶ, ଆନ୍ଧ୍ରପ୍ରଦେଶ ବିଧାନସଭା ପାଇଁ ମଧ୍ୟ ନିର୍ବାଚନ ଚାଲିଛି । ଓଡ଼ିଶାର ୪ଟି ଲୋକସଭା ଓ ୨୮ଟି ବିଧାନସଭା ଆସନ ପାଇଁ ଭୋଟ ଗ୍ରହଣ ଚାଲିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସର୍ବେଶେଷ ଖବର ଅନୁଯାୟୀ ବିହାରରେ ୫୦.୨୬ ପ୍ରତିଶତ, ମେଘାଳୟରେ ୬୦.୫୭ ପ୍ରତିଶତ, ଉତ୍ତରପ୍ରଦେଶରେ ୫୯.୭୭ ପ୍ରତିଶତ,ମଣିପୁରରେ ୭୮.୨୦ ପ୍ରତିଶତ, ଲକ୍ଷ୍ୟଦ୍ୱୀପରେ ୬୫.୯ ପ୍ରତିଶତ ଓ ଆସାମରେ ୬୮ ପ୍ରତିଶତ ମତଦାନ ହୋଇଛି । ଓଡ଼ିଶାରେ ଏପର୍ଯ୍ୟନ୍ତ ଭୋଟ ଗ୍ରହଣ ଚାଲିଛି । ସଂଧ୍ୟା ୫ଟା ସୁଦ୍ଧା ଓଡ଼ିଶାରେ ୬୬ ପ୍ରତିଶତ ମତଦାନ ହୋଇଛି । ସେହିପରି ମାଓ ଉପଦ୍ରୁତ ଛତିଶଗଡ଼ ଓ ମହାରାଷ୍ଟ୍ରର କେତେକ ଆସନରେ ଭୋଟ ଗ୍ରହଣ ଶେଷ ହୋଇଛି । ସେହିପରି ଆନ୍ଧ୍ରର ସମସ୍ତ ୨୫ ଟି ଯାକ ଆସନ ଓ ତେଲେଙ୍ଗାନାର ସମସ୍ତ ୧୭ଟି ଯାକ ଆସନରେ ଆଜି ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ ଶେଷ ହୋଇଛି ।