ହିଂସା, ଇଭିଏମ ତ୍ରୁଟି ମଧ୍ୟରେ ଶେଷ ହେଲା ୨ୟ ପର୍ଯ୍ୟାୟ ନିର୍ବାଚନ : ସଂଧ୍ୟା ୬ଟା ସୁଦ୍ଧା ୬୬% ମତଦାନ
ନୂଆଦିଲ୍ଲୀ: ଦେଶରେ ଆଜି ୨ୟ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇଛି । ଆଜି ସଂଧ୍ୟା ୭ଟା ସୁଦ୍ଧା ୬୬ ପ୍ରତିଶତ ମତଦାନ ହୋଇଥିବା ବରିଷ୍ଠ ଉପ-ନିର୍ବାଚନ ଆୟୋଗ ଉମେଶ ସିହ୍ନା ସୂଚନା ଦେଇଛନ୍ତି । ଆଜି ୧୧ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଂଚଳରେ ଥିବା ମୋଟ ୯୫ଟି ଆସନ ପାଇଁ ଭୋଟ ଗ୍ରହଣ ହୋଇଛି । ତେବେ ପଶ୍ଚିମବଙ୍ଗ, ମଣିପୁର, ଓଡ଼ିଶା ଓ କର୍ଣ୍ଣାଟକର କେତେକ ସ୍ଥାନରେ ନିର୍ବାଚନୀ ହିଂସା ହୋଇଥିବା ଜଣାଯାଇଛି । ସେହିପରି ବିଭିନ୍ନ ବୁଥରେ ଇଭିଏମରେ ତ୍ରୁଟି ଘଟଣା ମଧ୍ୟ ସାମନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗରେ ସର୍ବାଧିକ ୭୬.୪୨, ଆସାମରେ ୭୬.୨୨ ପ୍ରତିଶତ,ପୁଡୁଚେରୀରେ ୭୬.୧୯ ପ୍ରତିଶତ, ଛତିଶଗଡ଼ରେ ୭୧.୪୦ ପ୍ରତିଶତ, ଓଡ଼ିଶାରେ ୬୪ ପ୍ରତିଶତ ଭୋଟିଂ ହୋଇଥିବା ଜଣାଯାଇଛି ।
ଅନ୍ୟପକ୍ଷରେ ଛତିଶଗଡ଼ର ରାଜନନ୍ଦଗାଁଓରେ ନକ୍ସଲପନ୍ଥୀମାନେ ଆଇଇଡି ବିସ୍ଫୋରଣ କରିଛନ୍ତି । ପଶ୍ଚିମବଙ୍ଗ ଓ ମଣିପୁରରେ ନିର୍ବାଚନ ବେଳେ ଗୁଳିଚାଳନା ଖବର ମଧ୍ୟ ହସ୍ତଗତ ହୋଇଛି । ସେହିପରି ମଣିପୁରରେ ସୁରକ୍ଷା କର୍ମୀ ଲୋକଙ୍କ ଉପରକୁ ଗୁଳି ଚଳାଇବାରୁ ବାଧ୍ୟ ହୋଇ ଲୋକମାନେ ତାହାର ତୀବ୍ର ବିରୋଧ କରିଛନ୍ତି । ଲୋକମାନେ ଜବରଦସ୍ତି ଗୋଟିଏ ପୋଲିଂ ଷ୍ଟେସନକୁ ପ୍ରବେଶ କରିବାରୁ ବାଧ୍ୟ ହୋଇ ପୁଲିସ ଗୁଳି ଚଳାଇଥିଲା । ଅନ୍ୟପକ୍ଷରେ କର୍ଣ୍ଣାଟକର ମାଣ୍ଡ୍ୟା ନିର୍ବାଚନ ମଣ୍ଡଳରେ ଦୁଇ ପ୍ରାର୍ଥୀ-ମୁଖ୍ୟମନ୍ତ୍ରୀ ଏଚଡି କୁମାରସ୍ୱୀମୀଙ୍କ ପୁଅ ନିଖିଲ ଗୌଡା ଓ ସ୍ୱାଧୀନ ପ୍ରାର୍ଥୀ ସୁମନ୍ତିଲା ଅମ୍ବରୀଶଙ୍କ ସମର୍ଥକଙ୍କ ମଧ୍ୟରେ ଗଣ୍ଡଗୋଳ ହୋଇଛି ।