ଅଯୋଧ୍ୟା : ରାମମନ୍ଦିର ନିର୍ମାଣ ସ୍ଥାନରେ ଖନନ ବେଳେ ମିଳିଲା ପୁରାତନ ମନ୍ଦିରର ଅବଶେଷ
ଅଯୋଧ୍ୟା : ଅଯୋଧ୍ୟାଠାରେ ରାମ ମନ୍ଦିର ନିର୍ମାଣ ପାଇଁ ଗତ ମେ ୧୧ ତାରିଖରୁ ଭୂମି ସମତଳ କାମ ଆରମ୍ଭ ହୋଇଛି । ତେବେ ଏହି କାମ ଚାଲିଥିବେଳେ ଖନନରୁ ଏପରି କେତେକ ସାମଗ୍ରୀ ଆବିଷ୍କୃତ ହୋଇଛି ଯାହାକି ଆପାତତଃ ଦର୍ଶାଉଛି ଯେ ଅଯୋଧ୍ୟାରେ ବିବାଦୀୟ ସ୍ଥାନରେ ପୂର୍ବରୁ ଏକ ବୃହତ ମନ୍ଦିର ଥିଲା ।
ଗଣମାଧ୍ୟମ ରିପୋର୍ଟ ଅନୁସାରେ ସଂପୃକ୍ତ ସ୍ଥାନରୁ ପ୍ରସ୍ତର ଖୋଦିତ କାରୁକାର୍ଯ୍ୟ, ଏକ ୫ ଫୁଟ ଲମ୍ବ ଶିବଲିଙ୍ଗ, ୧୩ଟି ପ୍ରସ୍ତର ସ୍ତମ୍ଭ, ବିଭିନ୍ନ ଦେବଦେବୀଙ୍କ ଭଗ୍ନ ମୂର୍ତ୍ତି , କଳସ ଆଦି ମିଳିଛି । ଏ ସଂପର୍କରେ ବିଶ୍ୱ ହିନ୍ଦୁ ପରିଷଦ ପକ୍ଷରୁ ମଧ୍ୟ କୁହାଯାଇଛି ଯେ ଏଥିରୁ ଜଣାପଡ଼ୁଛି ଯେ ସେହି ସ୍ଥାନରେ ଏକ ମନ୍ଦିର ଥିଲା ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପ୍ରନିତତ୍ତ୍ୱ ବିଭାଗର ପୂର୍ବତନ ଆଞ୍ଚଳିକ ନିର୍ଦ୍ଦେଶକ କେ.କେ. ମହମ୍ମଦ ମଧ୍ୟ ନିଜର ପୂର୍ବ ଖନନ ବେଳେ ସେଠାରେ ଏକ ମନ୍ଦିରର ଅବଶେଷ ମିଳିଥିବା ରିପୋର୍ଟ ଦେଇଥିଲେ । ଗତ ବର୍ଷ ଅଯୋଧ୍ୟା ମାମଲାର ରାୟ ଶୁଣାଇବାବେଳେ ଏହି ରିପୋର୍ଟକୁ ସୁପ୍ରିମକୋର୍ଟ ବିଚାରକୁ ନେଇଥିଲେ ।
ଉଲ୍ଲେଖଯୋଗ୍ୟ ଯେ, ଗତ ନଭେମ୍ବର ୯ ତାରିଖରେ ସୁପ୍ରିମକୋର୍ଟର ଏକ ୫ ଜଣିଆ ବେଞ୍ଚ ଅଯୋଧ୍ୟା ଜମିବିବାଦ ମାମଲାର ରାୟ ଶୁଣାଇଥିଲେ। ଏହି ରାୟରେ ବିବାଦୀୟ ସ୍ଥାନରେ ରାମ ମନ୍ଦିର ନିର୍ମାଣ ପାଇଁ ନିର୍ଦ୍ଦେଶ ଦିଆଯାଇଥିବାବେଳେ ମୁସଲିମ ପକ୍ଷଙ୍କୁ ଅନ୍ୟ ଏକ ସ୍ଥାନରେ ମସଜିଦ ନିର୍ମାଣ ପାଇଁ ୫ ଏକର ଜମି ପ୍ରଦାନ କରିବାକୁ ସରକାରଙ୍କୁ ନିର୍ଦ୍ଦେଶ ଦିଆଯାଇଥିଲା । ପରେ ସର୍ବୋଚ୍ଚ ନ୍ୟାୟାଳୟଙ୍କ ଏହି ରାୟ ବିରୁଦ୍ଧରେ ପ୍ରାୟ ୪୮ଟି ପୁନର୍ବିଚାର ମାମଲା ଦାଏର ହୋଇଥିଲା । ତେବେ ସୁପ୍ରିମ କୋର୍ଟ ଏଗୁଡ଼ିକୁ ଖାରଜ କରିଦେଇଥିଲେ ।