ବୈଜୟନ୍ତଙ୍କ ସତ୍ୟପାଠକୁ ନେଇ ବିଜେଡିର ସାମ୍ବାଦିକ ସମ୍ମିଳନୀ : ‘କେନ୍ଦ୍ରାପଡ଼ାବାସୀଙ୍କୁ ଠକିଛନ୍ତି ବିଜେପି ସାଂସଦ ପ୍ରାର୍ଥୀ’
ଭୁବନେଶ୍ବର: ପୁଣି ବିଜେଡି ଟାର୍ଗେଟରେ କେନ୍ଦ୍ରାପଡ଼ା ବିଜେପି ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା । ବୈଜୟନ୍ତଙ୍କ ସତ୍ୟପାଠକୁ ନେଇ ସାମ୍ବାଦିକ ସମ୍ମିଳନୀରେ ଖୁଲାସା କରିଛି ବିଜେଡି । ବିଜେଡି କହିବା ମୁତାବକ, ସତ୍ୟପାଠରେ ତଥ୍ୟ ଲୁଚାଇଛନ୍ତି ବୈଜୟନ୍ତ ପଣ୍ଡା । କାରଣ, ବୈଜୟନ୍ତ ଇମ୍ଫାର ଭାଇସ୍ ଚେୟାରମ୍ୟାନ୍ ଥିବାବେଳେ କମ୍ପାନିରୁ ଟଙ୍କା ନେଇଛନ୍ତି । ବୈଜୟନ୍ତ ୨ କୋଟିରୁ ଅଧିକ ଟଙ୍କା ନେଇଛନ୍ତି ବୋଲି ଅଭିଯୋଗ କରିଛି ବିଜେଡି ।
Sambad is now on WhatsApp
Join and get latest news updates delivered to you via WhatsApp
ବାରମ୍ବାର ବୈଜୟନ୍ତ କେନ୍ଦ୍ରାପଡ଼ାବାସୀଙ୍କୁ ଠକିଛନ୍ତି ବୋଲି କହିଛି ବିଜେଡି। ବୈଜୟନ୍ତଙ୍କ ସତ୍ୟପାଠରେ ହୋଇଥିବା ଖୁଲାସାକୁ ନେଇ ବିଜେପି କାହିଁକି ଚୁପ୍ ବସିଛି ବୋଲି ପ୍ରଶ୍ନ କରିଛି ବିଜେଡି । ଏପରିକି ବିଜେପିର ଏ ନେଇ ମୁହଁ ନଖୋଲିବା ଡ଼ବଲ୍ ‘ବି’ ଅର୍ଥାତ୍ ବୈଜୟନ୍ତ ଓ ବିଜେପି ସାଢ଼େ ୪ କୋଟି ଓଡ଼ିଶାବାସୀଙ୍କୁ ଠକିଛନ୍ତି ବୋଲି କହି କଡ଼ା ସମାଲୋଚନା କରିଛି ବିଜେଡି ।
ଅନ୍ୟପଟେ ଆସନ୍ତା ୨୯ ତାରିଖ ବା ଚତୁର୍ଥ ପର୍ଯ୍ୟାୟ ନିର୍ବାଚନରେ କେନ୍ଦ୍ରାପଡ଼ା ସଂସଦୀୟ କ୍ଷେତ୍ରରେ ମତଦାନ ହେବ । କିନ୍ତୁ ଏହାରି ମଧ୍ୟରେ ବୈଜୟନ୍ତଙ୍କ ସତ୍ୟପାଠକୁ ନେଇ ବିଜେଡି କରିଥିବା ଖୁଲାସା ରାଜ୍ୟ ରାଜନୀତିରେ ହଟଚମଟ ସୃଷ୍ଟି କରିଛି । ଏହାକୁ ମଧ୍ୟ ବୈଜୟନ୍ତଙ୍କ ପାଇଁ ଅଡୁଆ ସୃଷ୍ଟି କରିପାରେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।