ପ୍ରଫୁଲ୍ଲଙ୍କ ଉପରୁ ବହିଷ୍କାର ଆଦେଶ ଉଠିଲା : ସଂଧ୍ୟାରେ ନବୀନଙ୍କୁ ଭେଟିବେ ପ୍ରଫୁଲ୍ଲ
ଭୁବନେଶ୍ବର: ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡାଇଙ୍କ ଉପରୁ ବିଜେଡି ବହିଷ୍କାର କଟକଣା ଉଠାଇ ଦେଇଛି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ପ୍ରଫୁଲ୍ଲଙ୍କ ଉପରୁ ବହିଷ୍କାର ଆଦେଶକୁ ପ୍ରତ୍ୟାହାର କରି ନେଇଛନ୍ତି । ପୂର୍ବତନ ମନ୍ତ୍ରୀ ତଥା ସୁକିନ୍ଦାର ପୂର୍ବତନ ବିଧାୟକ ପ୍ରଫୁଲ୍ଲ ଘଡାଇଙ୍କୁ ୨୦୧୪ ସେପ୍ଟେମ୍ବରରେ ଦଳରୁ ବହିଷ୍କାର କରିଥିଲେ ବିଜେଡି ସୁପ୍ରିମୋ । ଆଜି ଏହି ଖବର ପ୍ରକାଶ ପାଇବା ପରେ ପ୍ରଫୁଲ୍ଲ ଘଡାଇ ମୁଖ୍ୟମନ୍ତ୍ରୀଙ୍କୁ ସଂଧ୍ୟାରେ ଭେଟିବେ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମରେ ଦଳ ବିରୋଧୀ ମନ୍ତବ୍ୟ ପାଇଁ ବିଜେଡିରୁ ବହିଷ୍କାର ହୋଇଥିଲେ ପ୍ରଫୁଲ୍ଲ । ଏପରିକି ତାଙ୍କୁ ଗତ ନିର୍ବାଚନରେ ଟିକେଟ ମଧ୍ୟ ଦେଇନଥିଲା ଦଳ । ତାଙ୍କ ବଦଳରେ ପୁଅ ପ୍ରୀତିରଞ୍ଜନ ଘଡାଇଙ୍କୁ ଦଳ ସୁକିନ୍ଦାରୁ ପ୍ରାର୍ଥୀ କରିଥିଲା । ଦଳରୁ ବହିଷ୍କାର ହେବା ପରେ ମଧ୍ୟ ପ୍ରଫୁଲ୍ଲ ବିଜେଡି ପ୍ରତି ଲଗାତାର ଆନୁଗତ୍ୟ ଦେଖାଇ ଆସିଛନ୍ତି । ଅନ୍ୟ ଦଳକୁ ନଯାଇ ବିଜେଡି ପାଇଁ କାମ କରି ଆସୁଥିଲେ ପ୍ରଫୁଲ୍ଲ ।
ଆଉ ଯେତେବେଳେ ଆଗାମୀ ନିର୍ବାଚନ ଜିତିବା ପାଇଁ ବିଜେଡି ରଣନୀତି କରୁଛି ସେତେବେଳେ ପ୍ରଫୁଲ୍ଲଙ୍କ ଭଳି ଅନୁଭବୀ ନେତାଙ୍କର ଆବଶ୍ୟକତା ଅନୁଭବ କରିଛି ଦଳ । ଆଉ ତାଙ୍କୁ ପୁଣିଥରେ ଦଳକୁ ଫେରାଇ ଆଣିଛନ୍ତି ବିଜେଡି ସୁପ୍ରିମୋ । ତେବେ ନିର୍ବାଚନରେ ପ୍ରଫୁଲ୍ଲ ପ୍ରାର୍ଥୀ ହେବେ ନା କ୍ରାଇସିସ ମ୍ୟାନେଜର ଭୂମିକାରେ ନଜର ଆସିବେ ତାହା ଉପରେ ନଜର ରହିବ ।